ٍ آج کا انسان جنگی مہلک اسلحہ اور بارود کے پہاڑوں پر غیر یقینی زندگی بسر کر رہا ہے اگر اِس ایٹمی بارود کے پہاڑ کہیں پھٹ گئے تو یہ بارودی آتش فشاں شائد اِس کرہ ء ارض کا نام و نشان ہی مٹا دے ۔آج جب ہم 65سال بعد بھی ناگا ساکی اور ہیروشیما پر گرائے جانے والے ایٹم بموں کا سوگ منا رہے ہیں، جہاں 3 لاکھ افراد کی ہلاکت کے بعد بھی معذور اور لاگر بچے پیدا ہو رہے ہیں تو ہمیں اِس بات کا اندازہ ہو جانا چاہئے کہ چھ دھائیاں گزرنے کے بعدایٹمی ہتھیاروں نے کتنی ترقی کر لی ہو گی لیکن اس تمام صورتِ حال کے باوجود ہر چھوٹا بڑا ملک آج اپنے بجٹ کا سب سے زیادہ حصہ جنگی ہتھیاروں کی مد میں خرچ کر رہا ہے۔
بجٹوں کے خسارے اپنی بلندیاں چھو رہے ہیں ،انسانی بنیادی ضروریاتِ زندگی ناپید ہو گئی ہیں ،عوام کے پاس کھانے کو روٹی نہیں ،سر چھپانے کو چھت نہیں ،جسم ڈھانپنے کو کپڑا نہیں ،دکھ تکلیف اور اذیتی موت اُنکا مقدر بن گئی ہے ۔معاشی دبائو سے جنم لینے والے جرائم او رز اہنی و جسمانی بیماریوں میں ہر روز اضافہ ہوتا جا رہا ہے لیکن دنیا کے حکمران اسلحے کی دوڑ میں ایک دوسرے کو پیچھے چھوڑنے کی کوشش کر رہے ہیں ،اسلحہ کی اِس دوڑ کی وجہ سے دنیا میں قلیل عرصہ میں سینکڑوں جنگیں یا دوسرے تنازعات ہو چکے ہیںان جنگوں یا خانہ جنگیوں کا تفصیلی جائزہ لیا جائے تو کئی کتابیں لکھی جا سکتی ہیں لیکن قارئین کو اِن جنگو ں یا بحرانوں میں سے چند ایک کے نام بتاتا چلوں۔
اِن میں یونان کی خانہ جنگی،بولین کا بحران،ٹری ایسٹ کا مسئلہ،آزادیء قبرص، ہنگری کا بحران، یونان کا فوجی انقلاب،چیکو سلواکیہ کا بحران، آزادیء مصر، مسئلہ فلسطین، عرب اسرائیل جنگ،الجزائر کی جنگِ آزادی،عدن و یمن کا سرحدی مسئلہ، مسقط و اومان کی بغاوت،سوئز پر حملہ،موصل(عراق) کی بغاوت،عراق اور کُرد باشندوں کی محاذ آرائی،کویت میں مداخلت،یمن کی خانہ جنگی،عدن کی خانہ جنگی ،شام کا فوجی انقلاب،انڈونیشیا کی جنگِ آزادی، چین کی خانہ جنگی،ہندی فرقہ وارانہ فسادات،فلپائن کی خانہ جنگی، برمی خانہ جنگی، ملایا میں بغاوت، برما کا سرحدی تنازعہ، نیپال میں خانہ جنگی، ہندوستان اور پاکستان کی جنگیں،روس و افغانستان جنگ،روڈیشیا کا بحران،امریکہ عراق جنگ،امریکہ طالبان و القاعدہ جنگ کے علاوہ اور اب کئی دوسرے محاذ کھولنے کی منصوبہ بندیاںجاری ہیں۔
سرمایہ پرست طاقتیں تیسری جنگ عظیم کی تیاریوں میں منہمک ہیں اور اب وہ اِس مقام پر کھڑی ہیں کہ جیسے ساری دنیا کو جنگ کی دھکتی ہوئی آگ میں دھکیلنا اُنکی انا کا مسئلہ ہو۔ ہماری تہذیب، ہمارا تمدن ،ہماری آزادی، ہماری زندگی ،ہمارا گھر بار۔۔۔۔ہمارا سب کچھ خطرے میں ہے جبکہ9/11کو بہانہ بنا کر تیسری جنگ کا خواب دیکھنے والے جنگی معاہدے کر رہے ہیں ،بڑی تعداد میں ہتھیار بنا رہے ہیں اور بڑے بڑے بلاک بنا کر دنیا کو مہلک ترین ایٹم سے تباہ کرنے کا سوچ رہے ہیں، دنیا کے کونے کونے میں فوجی اڈے بنا رہے ہیں۔
World Trade Center
مارشل پلان کی امداد سے ملکوں اور وہاں کی عوام کی آزادی سلب کرنے میں مصروف ہیں ۔یہ درست ہے کہ 9/11کو نیو یارک میں ہلاک ہونے والے کسی کے دشمن نہیں تھے بلکہ وہ بھی ہماری طرح محنت کش طبقے سے تعلق رکھتے تھے ،کوئی جسمانی محنت میں مصروف تھا اور کوئی ذ ہنی محنت کر رہا تھا۔میرے سمیت دنیا کے ہر قلمی محنت کش کو اِس واقعہ کا بے حد دُکھ ہوا تھا اور آج تک ہے لیکن سوال یہ پیدا ہوتا ہے کہ اِس واقعہ کا ذمہ دار کون تھا اور سزا کن کو دی جارہی ہے ؟کیا افغانستان اور پاکستان میں دہشت گردی اور سکیورٹی فورسز کا نشانہ بننے والے وہ بے گناہ لوگ بھی اِس واقعہ میں ملوث تھے۔
ورلڈ ٹریڈ سنٹر میں دہشت گردی کا نشانہ بننے والے سینکڑوں محنت کشوں کی موت کا بدلہ لینے کے لئے افغانستان میں لاکھوں بے گناہوں کی جان لے لی گئی ہے ۔آج جگہ جگہ ایٹم بم خطرے کی علامت بن کر ایک اشارے کا انتظار کر رہے ہیں تو وقت اور حالات اِس بات کی اجازت نہیں دیتے کہ کسی بھی ملک میں داخل ہو کر اُسکی عوام کو مارنا شروع کر دیا جائے۔وائیٹ ہائوس کو اِس بات کا احساس ہو جانا چاہئے کہ دنیا بے حد خطرے میں ہے اور اِس دنیا کو خطرے میں دھکیلنے کے پیچھے کونسا خفیہ ہاتھ ہے؟وائیٹ ہائو س اور پینٹا گون میں بیٹھے پالیسی سازوں کو بخوبی غور کرنا چاہئے کہ کہیں 9/11یہودیوں کی سازش تو نہیں تھی؟کیونکہ یہودی اقلیت میں رہتے ہوئے بھی امریکہ پر چھا گئے ہیں اور امریکہ کے انتہائی خفیہ مقامات تک اُنکی رسائی ہے۔
حتیٰ کہ وائیٹ ہائوس کے خفیہ اجلاس ،سپریم کورٹ ،عالمی مالیاتی ادارے یا بین الاقوامی کانفرنسیں کوئی جگہ بھی اُنکی رسائی سے باہر نہیں ہے۔یہودی کا ایک کمال ہے کہ پہلے جنگ کی آگ بڑھاتا ہے اور پھر دونوں فریقوں کی حمائیت کرکے فتح یاب ہونے والے فریق سے فائدہ حاصل کرتا ہے۔یورپ میں جس قدر تحریکیں اُٹھیں اُن سب کے بانی بھی یہودی تھے اور انقلابِ روس کی منصوبہ بندی بھی یہودی صحافت اور زعما نے کی تھی ۔بھارت اور پاکستان کے درمیان فاصلے بڑھانے میں بھی یہودی اپنا کردار ادا کر رہے ہیں اِس بات کا اندازہ ممبئی حملوں کے واقعے سے لگایا جا سکتا ہے کیونکہ ممبئی میں فائرنگ کا سلسلہ سب سے پہلے نریمن ہائوس سے شروع ہوا،یہ ممبئی کی واحد عمارت ہے۔
جہاں یہودی رہتے ہیں ۔آس پاس کے گجراتی ہندئوں نے بھی ٹی وی چینلوں کو بتایا تھا کہ نریمن ہائوس میں گزشتہ دو برسوں سے خفیہ سرگرمیاں جاری تھیں جنکا کسی نے بھی نوٹس نہیں لیا۔اگر بھارت نریمن ہائوس میں ہونے والی سرگرمیوں کی تحقیقات کروائے تو بہت سارے خفیہ ہاتھ بے نقاب ہوں گے اور بھارت کو بھی اندازہ ہو جائے گا کہ پاکستان اور بھارت دونوں ملکوں کی عوام جنگ نہیں بلکہ امن چاہتی ہے ۔آئیں دنیا کو فتح کرنے کا خواب دیکھنے کی بجائے انسانیت کا دِل جیتنے کی کوشش کریں ،جنگ لڑنی ہے تو خوشحالی کی جنگ لڑیں اور اپنے عوام کو ایک دوسر ے سے زیادہ خوشحال کرنے کا مقابلہ کریں۔
یہاں خصوصی طور پر میں ساری دنیا کے مفکروں اور دانشوروں سے گزارش کرنا چاہتا ہوں کہ آپ پر اپنی قوم ،تاریخ اور انسانیت کی جانب سے بہت بڑی بڑی زمہ داریاں عائد ہوتی ہیں ۔آئیں مل کر دنیا میں قیامِ امن کی جستجو کریں تاکہ دنیا میں ہر قوم کو آزادی کے ساتھ تہذیبی ترقی کا موقع مِل سکے ،ہر قوم مکمل طور پر آذاد ہو اور ایک دوسرے کے ساتھ تعاون کریں۔
میں ہر ملک کے ذہنی محنت کش(دانشور) سے درخواست کرتا ہوں کہ وہ میری اِس تجویز پر غور کرے اور اپنے اپنے ملکوں میں قیامِ امن کے لئے کانفرنسیں منعقد کریں،دوسرے ممالک کے اہلِ علم اور دانشوروں کے ساتھ قیامِ امن کے لئے تعاون کریں تاکہ بین الاقوامی رشتہ قائم ہو سکے۔تیسری عالمی جنگ کے خطرے کو سب سے پہلے دانشور بھائیوں نے ہی محسوس کیا تھا اور 40 ملکوں کے مشہور ادیب، دانشور، اور شاعر پولینڈ کے مشہور روکلا میں اکٹھے ہوئے اور 4/5 دِن کی بحث کے بعد اُنہوں نے ایک قرار داد پاس کرکے ساری دنیا کے دانشوروں کو تیسر ی عالمی جنگ کے خطرے سے آگاہ کیا۔
انسانیت کو تیسری عالمی جنگ سے بچانے کے لئے انہیں اپنے اپنے ملک میں امن کانفرنسیں منعقد کرنے پر زور دیا ۔آج ایک بار پھر دانشور کڑے امتحان میں ہیں اُنہیں آج دوبارہ دنیا کو امن کی جانب راغب کرنے کے لئے اہم کردار ادا کرنا ہوگا۔آئیں مل کر دنیا میں امن کا نعرہ لگائیں اور لڑائی پسند طاقتوں سے گزارش کریں تاکہ وہ اِس نعرہ کو عملی شکل دینے کے لئے ایک انٹرنیشنل پیس کانفرنس کا نعقاد کریں جس میں پوری دنیا کے سربراہ عہد کریں کہ دنیا کو ہتھیاروں سے پاک کرکے پر امن بنانا ہے۔
Engineer Mohammad Akram Khan Faridi
تحریر! انجینئر محمد اکرم خان فریدی 36۔ مجاہد نگر،شیخوپورہ سٹی،پاکستان فون نمبر 0302 4500098 Email: akramkhanfaridi@gmail.com
حکومت اور عوام کا مضبوط رشتہ
وقت کا ضیاع
