رائس ایکسپورٹرز ایسوسی ایشن کے چیئرمین جاوید علی غوری نے کہا ہے کہ بھارت کی جانب سے پانی کا بہاو پاکستان کی جانب کیے جانے بارشوں اور سیلابی ریلے نے پنجاب میں چاول کی فصلوں کو زبردست نقصان پہنچایا ہے جسکے باعث مجموعی طورپر چاول کی 10 فیصدفصل تباہ ہو چکی ہے۔
جاوید علی غوری نے بتایا کہ مقامی مارکیٹ میں باسمتی چاول کی قیمتوں میں 20 فیصد سے زائد اضافہ ہوگا جس سے باسمتی چاول کی برآمدات کو نقصان پہنچے گا۔ انہوں نے بتایا کہ سیلابی ریلے اور بارشوں سے سب سے زیادہ نقصان مریدکے اور کامونکی میں ہوا ہے۔ مریدکے اور کامونکی بارش کے سیلابی ریلے کے باعث چاول کی 50 فیصد سیالکوٹ میں 12 فیصد، ناروال میں15 فیصد،پسرورمیں20 فیصد، نارنگ منڈی میں 15 فیصد، حافظ آباد میں 7 فیصد، جھنگ میں 20 فیصد، چنیوٹ میں 15 فیصدچاول کی تیار فصلیں متاثرہوئی ہے۔
جاوید علی غوری نے کہا کہ حکومت چاول کی فصلوں کے متاثرہ علاقوں میں مسائل کو ہنگامی بنیادوں پر حل کرے۔ انہوں نے کہا کہ پنجاب میں باسمتی چاول کی فصلیں تباہ ہونے کے باعث چاول کی ذخیرہ اندوزی میں اضافے کے خدشات ہیں جسکے لیے حکومت کو باسمتی چاول کی برآمدات میں اضافے کو یقینی بنانے کے لیے چاول کی ذخیرہ اندوزی کرنے والے عناصر کے خلاف کریک ڈاون کرنا ہوگا۔
آئی ایم ایف بورڈ کا اجلاس، پاکستان کیلئے نئے پروگرام کی منظوری کا امکان
حکومت پٹرولیم مصنوعات کی قیمتوں میں اضافے کے فیصلے پر نظرثانی کرے۔ تاجربرادری
