ممبئی این جی ٹیامیتابھ بچن، عامر خان، شاہ رخ اور اکشے کمارکے بعد بالی ووڈ کے راک اسٹار رنبیر کپور بھی اپنی فلم کے لیے گلوکاری کے میدان میں اترگئے ہیں۔ بد تمیزی سے بے شرمی پر اترنے والے رنبیر کی نئی کامیڈی فلم”بے شرم”کے لیے انکے گنگنائے گئے گانے’لو کی گھنٹی”کی وڈیو جاری کردی گئی ہے۔راجیو برنوال کے تحریر کردہ “لو کی گھنٹی “کے بولوں پر مبنی اس گانے کو رنبیر کپور سمیت سجیت شیٹھی اور امیتوش ناگپال کی آواز میں ریکارڈ کیا گیا ہے جسکی وڈیو میں رنبیر کپور اپنی ہیروئن کی گلی میں ڈانس کرتے نظر آرہے ہیں۔
ہدایتکار ابھنوکیشپ کی اس فلم میں رنبیر کپور کے مدِ مقابل مس انڈیا آسٹریلیا پلوی شاردا بحیثیت ہیروئن مرکزی کردار ادا کررہی ہیں جو اس سے قبل دو تین فلموں میں چھوٹے رولز نبھا چکی ہیں۔رنبیر اور پلوی کیساتھ کامیڈی فلم بے شرم میں رنبیر کے والدین رشی کپور، نیتو سنگھ اور جاوید جعفری اہم کردار ادا کرتے نظر آئینگے۔ فلم میں میکینک ببلی کا رول نبھاتے رنبیر کپور کی کامیڈی سے بھرپوراس فلم کا میوزک معروف موسیقار للت پنڈت نے ترتیب دیا ہے جو 2 اکتوبر کو سینما گھروں کی زینت بنے گی۔
بھارتی فلم مدراس کیفے کی ریلیز روکنے کیلئے ہائیکورٹ میں رٹ پٹیشن دائر
آسڑیلیا کی برفیلی پہاڑی پر ہالی ووڈسنگر ماریہ کی ٹھنڈا ٹھار پرفارمنس
