ممبئی(جیوڈیسک)ممبئی این جی ٹی بالی ووڈ کی جوڑی رنبیر کپور اور دپیکا پڈوکون فلمساز وہدایتکار کرن جوہرکی آنے والی رومانٹک فلم یہ جوانی ہے دیوانیمیں ایک بار پھر ساتھ نظر آئے گی جس کے نئے گانیبالم پچکاریکی وڈیو بھی جاری کردی گئی ہے۔
امیتابھ بھٹاچاریہ کے تحریر کردہبالم پچکاریکے بولوں پر مبنی اس گانے کو وشال ڈالڈانی اور شالمالی کھولگاڈے کی آوازمیں ریکارڈ کیا گیا ہے جس کی وڈیو میں رنبیر اوردپیکا کے ساتھ کالکی کوچلن اور ادتیہ رائے کپوررنگوں کے تہوار ہولی پر ایک دوسرے کو رنگتے اور تفریح کرتے نظر آرہے ہیں۔
ایان مکھرجی کی ہدایتکاری میں بننے والی اس فلم میں دپیکا اور رنبیر کے ساتھ کالکی کوچلن، ادیتہ رائے کپوراور جرمن نژاد بھارتی ماڈل ایویلن شرما معاون اداکاروں کے طور پرجلوہ گر ہورہے ہیں۔
دھرما پروڈکشنز کے بینر تلے اس فلم کوکرن جوہر پروڈیوس کررہے ہیں جس کا میوزک پریتم چکربورتی نے کمپوز کیا ہے جبکہ یہ فلم رواں سال31مئی کو سنیما گھروں کی زینت بنے گی۔
ہیلی بیری کی فلم دی کال کے پریمیئر میں شرکت
وزن کم کرنا مشکل ضرور ہے ناممکن نہیں،عدنان سمیع خان
