حکمران و طالبان قوم کو بیوقوف بنا رہے ہیں’آل پاکستان مسلم لیگ
Posted on February 13, 2014 By Geo Urdu سٹی نیوز
کراچی (اسٹاف رپورٹر) نجکاری کے نام پر قومی وسائل کو بیرونی قوتوں کے حوالے کئے جانے سے توجہ ہٹانے کیلئے حکمران ‘طالبان کی مدد سے مذاکرات کا ڈرامہ رچاکر قوم کو دھوکا دے رہے ہیں جبکہ مذاکرات کے نام پر طالبان کو آگے لانے سیف اسپیس اور مہلت فراہم کرنے کا مقصد مشرف کو طالبان کی مدد سے راہ سے ہٹوانا بھی ہے کیونکہ حکمران جان چکے ہیں کہ غیر آئینی طور پر مشرف مخالف منصفوں پر مشتمل خصوصی عدالت حکمرانوں کی خواہشات پر مشرف کو غدار قرار نہیں دے سکے گی ۔یہی وجہ ہے کہ طالبان ترجمان شاہد اللہ شاہد نے کہا ہے کہ ہمیں موقع ملا تو ہم مشرف کو سزا دیں گے۔
آل پاکستان مسلم لیگ سندھ کے جنرل سیکریٹری مسلم بھٹو’ سینئر رہنما شاہد قریشی’ سید وصی الدین اور انفارمیشن سیکریٹری طاہر حسین سید نے میڈیا سے گفتگو کرتے ہوئے کہا کہ اس سے بڑھ کر قوم کی بدنصیبی اور کیا ہوگی کہ فوج کے سابق سربراہ کو غدار قرا دیا جارہا ہے اور آئین کو تسلیم نہ کرنے والوں سے مذاکرات ہورہے ہیں
جبکہ قتل و غارت گری کرنے والوں سے امن کی بھیک مانگی جارہی ہے اور فوج کے گلے کاٹنے والوں سے ہاتھ ملا کر فوج کا مورال تباہ کر کے ملکی دفاع کو ہی کمزور نہیں کیا جارہا بلکہ دنیا کو بھی پیغام دیا جارہا ہے کہ پاکستان کمزور اور دہشتگرد طاقتور و عوامی حمایت کے حامل ہیں اگر ان حالات میں فوج کے سربراہ جنرل راحیل شریف نے ملک قوم اور فوج کیخلاف دہشتگردوں اور ان کے سرپرستوں کی سازش کو ناکام بنانے کیلئے اپنا ذمہ دارانہ کردار ادانہیں کیا تو ملک وقوم کا مستقبل تباہ کرنے کی سامراجی استحصالی اور دہشتگرد وامن دشمن طبقات کی مشترکہ سازش کامیاب ہو جائے گی جو یقینا پاکستان عوام اور فوج کو غلام و یرغمال بنادے گی۔
گورنر پنجاب چوہدری محمد سرور کے شہر پیر محل کا واحد کالج بنیادی سہولتیں سے محروم
