لاہور (جیوڈیسک) دوسری جانب کپتان بھی ریحام خان کو طلاق کے بعد پہلی بار میڈیا پر آئے لیکن علیحدگی کے سوال پر سیخ پا ہوگئے۔ عمران خان کہتے ہیں سوال پوچھنے والے نے اپنی اوقات دکھائی، ذاتی زندگی پر بات کرتے ہوئے شرم آنی چاہیے ، دوسروں کے گھروں میں نہ جھانکنے کی نصیحت بھی کر دی۔
چہرے پر تناؤ ، آنکھوں میں اداسی ، پہلے سا جوش نہ خروش ، ریحام خان سے علیحدگی کے بعد کپتان پہلی بار میڈیا پر آئے لیکن بدلے بدلے سے ۔ پریس کانفرنس میں طلاق کے ساتھ ساتھ مردم شناسی پر سوال ہوا تو عمران خان تڑپ اٹھے ، سوال کرنے والے کوشرم تہذیب اور اوقات سب یاد دلا دی ۔ کپتان جلال میں تو آئے لیکن صحافیوں کو نہ روک پائے۔
سوال نہ تھمے تو عمران خان نے کاغذ میز پر پٹخا ، بس بس کہا اور چلتے بنے ۔ پی ٹی آئی چیئرمین ذاتی زندگی میں مشکل صورتحال سے دوچارسہی سوال کو نظرانداز کرکے وہ معاملہ سنبھال بھی سکتے تھے ۔ لیکن غصہ دکھا کر انہوں نے ایک نیا محاذ کھول لیا ہے۔
حکومت منافقت چھوڑ کر اپنی پالیسی واضح کرے: فاروق ستار
بالی ووڈ اداکار نصیر الدین شاہ رواں ماہ پاکستان آئیں گے
