لاہور (جیوڈیسک) وزیر ریلوے خواجہ سعد رفیق کے حلقہ این اے 125 میں ووٹو ں کی دوبارہ گنتی مکمل کر لی گئی۔ اگلے مرحلے میں نادرا سے نشان انگوٹھوں کی تصدیق کرائی جائے گی۔
انتخابی ریکارڈ نادرا کے حوالے کرنے سےقبل ایف آئی اے کو بھیجا جائے گا۔ الیکشن ٹربیونل کے حکم سے قائم کیا گیا خصوصی کمیشن، وزیر ریلوے خواجہ سعد رفیق کے حلقہ میں ووٹو ں کی دوبارہ گنتی سے متعلق رپورٹ چند روز میں ٹربیونل کو بھیج دے گا۔ الیکشن ٹربیونل ذرائع کے مطابق گنتی کے بعد حلقے کے 7 پولنگ اسٹیشنوں کے بیلٹ پیپرز، ان کی کاوئنٹر فائل اور ووٹر لسٹوں پر ووٹروں کے نشان انگوٹھوں کی تصدیق کا مرحلہ شروع ہو گا۔
ذرائع کے مطابق یہ انتخابی ریکارڈ نادرا کو بھیجنے سے قبل ایف آئی اے کے متعلقہ نامزد افسر کے پاس بھیجا جائے گا، نادرا کو صرف وہی بیلٹ پیپرز، کاوئنٹر فائل اور ووٹر لسٹیں بھیجی جائیں گی جن پر ووٹروں کے نشان انگوٹھےواضح ہوں گے۔
بیرون ملک بھی گو نواز گو کا نعرہ پیچھا کریگا، طاہر القادری
پنجاب: سیلابی پانی، سینکڑوں افراد خیمہ بستیوں میں رہنے پر مجبور
