لاہور (جیوڈیسک) آف ا سپنر سعید اجمل اور فاسٹ بولر جنید خان نے دورہ سری لنکا کی تیاری کے لیئے لگایا جانے والا تربیتی کیمپ جوائن کر لیا ہے۔
پاکستان کرکٹ ٹیم کا ٹریننگ کیمپ ان دنوں لاہور میں جاری ہے۔ سہ پہر کے سیشن میں کھلاڑی کوچز کی نگرانی میں فیلڈنگ پریکٹس کے بعد نیٹ پربولنگ اور بیٹنگ کرتے ہیں ، کیمپ کے پہلے روز یونس خان اور عمر اکمل آئی ڈی پیز کے امداد ی میچ کی وجہ سے شامل نہیں تھے۔
ان دونوں نے گزشتہ رات کیمپ میں رپورٹ کر دی ہے جبکہ سعید اجمل اور جنید خان نے بھی انگلینڈ سے واپسی کے بعد کیمپ جوائن کر لیا ہے ، پی سی بی کے ترجمان کے مطابق 23 سے 25 جولائی تک کھیلا جانے والا ٹارگٹ میچ ایل سی سی اے گراؤنڈ کے بجائے اب قذافی اسٹیڈیم میں ہی ہو گا۔ کوچز ایل سی سی اے گراؤنڈ کی حالت سے مطمئن نہیں تھے اس لیئے میچ کو قذافی اسٹیڈیم منتقل کر دیا گیا ہے۔
رائےونڈ آپریشن : دو نہیں، ایک دہشت گرد ہلاک ہوا، انٹیلی جنس ذرائع
عمران خان کی احتجاجی کال کو سیاسی طریقے سے ہینڈل کیا جائے: گیلانی
