کابل (جیوڈیسک) افغانستان فٹبال ٹیم ساف چیمپئن شپ کا ٹائٹل جیتنے کے بعد وطن واپس پہنچی تو اس کا شاندار استقبال کیا گیا۔ نیپال میں ہونے والے فٹبال چیمپئن شپ کا فائنل جیت کر افغانی ٹیم جب وطن لوٹی تو ہزاروں کی تعداد میں موجود مداحوں نے ائرپورٹ پر انکا شاندار استقبال کیا۔
افغانستان کے صدر حامد کرزئی نے ٹیم سے خصوصی ملاقات کی اور ٹیم کو شاندار فتح پر مبارک باد بھی دی۔ شاندار اعزازئیے کے بعد ٹیم جب فٹبال اسٹیڈیم پہنچی تو شائقین کی بڑی تعداد استقبال کے لیئے ہاتھ میں پرچم اور بینرز پکڑے انکی منتظر تھی جہاں ڈھول کی تھاپ پر رقص کر کے جیت کا جشن منایا گیا۔
یونس خان نے ٹیسٹ کرکٹ میں سات ہزار رنز مکمل کر لئے
پی او اے نے عارف حسن کو 50 کروڑ ہرجانے کا نوٹس بھیج دیا
