کراچی (جیوڈیسک) انسداد دہشت گردی کی خصوصی عدالت نے سلیمان لاشاری قتل کیس کے مرکزی ملزم سلمان ابڑو سمیت 5 ملزمان کے جسمانی ریمانڈ میں 27 مئی تک توسیع کر دی ہے۔
سلمان لاشاری قتل کیس کے مرکزی ملزم سلمان ابڑو کو سخت سیکیورٹی میں اسپتال سے انسداد دہشت گردی کی خصوصی عدالت میں پیش کیا گیا، یاسین جمالی، محمد راشد سمیت پولیس سے تعلق رکھنے والے 4 شریک ملزمان کو بھی عدالت میں پیش کیا گیا۔
تفتیشی افسر نے ریمانڈ کے کاغذات کے ذریعے ملزمان کا مزید ریمانڈ طلب کیا جب کہ ملزم سلمان ابڑو کے وکیل نے ریمانڈ میں توسیع کی مخالفت کی۔
پولیس نے عدالت سے درخواست کی کہ مشترکہ تفتیشی ٹیم ٹشکیل دے دی گئی ہے جو 26 مئی کو معاملے کی تحقیقات کرے گی جب کہ قتل کے اصل محرکات بھی جاننے باقی ہیں، عدالت نے پولیس کی درخواست پر ملزمان کے ریمانڈ میں توسیع کردی۔
واضح رہے کہ اس سے قبل 16 مئی کو بھی انسداد دہشت گردی کی خصوصی عدالت نے سلمان ابڑو سمیت 5 ملزمان کو 7 روزہ جسمانی ریمانڈر پر پولیس کے حوالے کیا تھا۔
مقدس کتاب کی بے حرمتی کیخلاف احتجاج، سکھ دروازہ توڑ کر پارلیمنٹ ہائوس میں داخل
سینچری پیپر کا کول پاور پلانٹ کیلیے چینی کمپنی سے معاہدہ
