لاہور (جیوڈیسک) پاکستان کے سابق آف اسپنر ثقلین مشتاق نے سعید اجمل کے بولنگ ایکشن کی درستی کے لیے کام شروع کر دیا۔
ثقلین مشتاق آئی سی سی کی جانب سے معطل کئے گئے اسپنر سعید اجمل کے بولنگ ایکشن کی درستی کے لیے کام کریں گے۔ ثقلین مشتاق نے کرکٹ بورڈ حکام سے ملاقاتیں شروع کر دی ہیں۔ انہوں نے سعید اجمل کے بولنگ ایکشن سے متعلق رپورٹ اور ویڈیوز کا بھی جائزہ لیا۔
ثقلین مشتاق صرف سعید اجمل ہی نہیں بلکہ دیگر مشکوک بولنگ ایکشن والے اسپینرز کے ساتھ بھی کام کریں گے۔ دوسری جانب سعید اجمل نیشنل کرکٹ اکیڈمی لاہور میں اپنے ایکشن کی درستی پر کام کر رہے ہیں۔ ان کا کہنا ہے کہ وہ کافی محنت کررہے ہیں اور پرامید ہیں کہ جلد انٹرنیشنل کرکٹ میں واپس آجائیں گے۔
آسٹریلیا کیخلاف سیریز کیلئے قومی ٹیم کا اعلان آج کیا جائے گا
میرا اصل ہدف 2015 کا عالمی کپ کھیلنا ہے : عمر گل
