سعودی عرب (اصل میڈیا ڈیسک) سعودی عرب کی سپریم کورٹ نے پیر کے روز اعلان کیا کہ حجام کرام 30 جولائی جمعرات کو مقام عرفات میں وقوف کریں گے جب کہ عید الاضحی جمعہ 31 جولائی کو منائی جائے گی۔
سعودی پریس ایجنسی “ایس پی اے” کے ذریعہ شائع ہونے والے ایک بیان میں کہا گیا ہے کہ کل شام کو 29 ذی قعدہ کو ایک اجلاس منعقد کیا گیا۔ اجلاس میں ذی الحج کا چاند دیکھنے کا فیصلہ کیا گیا۔ کل شام سعودی عرب میں کہیں سے بھی روئیت ہلال کی گواہی نہیں ملی جس کےبعد مملکت میں اکتیس جولائی جمعہ کے روز عید الاضحیٰ کا اعلان کیا گیا ہے۔
بیان میں کہا گیا ہے کہ آج منگل کو ذوالقعدہ کے تیس دن مکمل ہوں گے اور بدھ کو ذی الحجہ کا آغاز ہو گا۔
ام القراء کیلینڈر کے مطابق 22 جولائی کو ذی الحج شروع ہو گا۔ 30 جولائی کو وقوف عرفہ اور جمعہ اکتیس جولائی کو عید قربان منائی جائے گی۔ اسی روز حجاج کرام قربانی کریں گے۔
خیال رہے کہ رواں سال مناسک حج کی ادائی کے لیے محکمہ صحت کی طرف سے کرونا وبا کے خطرے کے پیش نظر صحت پروٹوکول پر سختی سے عمل درآمد کرایا جا رہا ہے۔
مصری پارلیمان نے لیبیا میں لڑاکا مشنوں کے لیے فوج بھیجنے کی منظوری دے دی
شام میں ایران اور حزب اللہ کے آپریشن کنٹرول روم پر اسرائیلی بمباری
