اسلام آباد (جیوڈیسک) بین الاقوامی منڈی میں تیل کی گرتی ہوئی قیمتوں کے رجحان کے تناظر میں سعودی عرب نے پاکستان کو سبسڈائز نرخوں پر تیل کی 40 ڈالر فی بیرل فراہمی پر رضامندی ظاہر کی ہے۔
وزیراعظم نواز شریف کے ایک قریبی عہدے دار نے بتایا کہ پاکستان کو توانائی کے بحران سے نکالنے کیلئے سعودی حکمراں نواز حکومت کے ساتھ قریبی رابطے میں ہیں۔ سعودی عرب پہلے بھی پاکستان کی مدد میں نمایاں دلچسپی لیتا رہا ہے۔
پاکستان کو 40 ڈالر فی بیرل کی قیمت پر تیل کی دستیابی سے مختصر المدت اقدام کے طور پر لوڈشیڈنگ میں کمی آئے گی جب کہ وسط مدتی حکمت عملی کے طور پر توانائی کے شعبے کی تنظیم نو، گردشی قرضے کا خاتمہ ہوگا اور سرکاری شعبے سے بجلی کے واجبات کی وصولی اور سسٹم لاسز میں کمی آسکے گی۔
ڈہرکی میں پاور پلانٹ سے ملازمین کی جبری برطرفی کے خلاف احتجاج
جان کیری 2 روزہ دورے پر آج پاکستان پہنچ رہے ہیں
