ریاض (جیوڈیسک) سعودی عرب میں دہشت گردی کے الزام میں 29 پاکستانیوں سمیت 823 افراد کو گرفتار کر لیا گیا۔
سعودی وزارت داخلہ کے مطابق ملک میں دہشت گردی کی کارروائیوں میں ملوث ہونے کے الزام میں 29 پاکستانیوں سمیت 823 افراد کو گرفتار کرلیا گیا ہے جب کہ دیگر گرفتار ہونے والے افراد میں سے 19 بھارتی،18 افریقی، 3 یورپی، 2انڈونیشین اور 6 فلپائنی سمیت دیگر ممالک کے شہری شامل ہیں۔
وزارت داخلہ کا کہنا ہے کہ حکومت نے دہشت گردوں سے تعلق کے شبے 117 کے قریب بینک اکاؤنٹس کو بھی منجمد کردیا ہے جن سے دہشت گرد گروپوں کو پیسے فراہم کیے جاتے تھے جب کہ حکومت دہشت گردوں کو فنڈنگ روکنے کے لیے دیگر ذرائع کے خلاف بھی تمام تر کوششیں کررہی ہے۔
واضح رہے کہ سعودی عرب 2015 سے اب تک دہشت گردی کے مختلف واقعات میں 200 سے زائد افراد ہلاک ہوچکے ہیں جن میں سیکیورٹی اہلکار بھی شامل ہیں۔
ابوبکر البغدادی کے فضائی حملے میں زخمی ہونے کی اطلاعات
صدر باراک اوباما نے افغانستان میں امریکی فورسز کے اختیارات میں مزید اضافہ کردیا
