ریاض (جیوڈیسک) سعودی عرب، متحدہ عرب امارات اور بحرین نے قطر سے اپنے سفیروں کو واپس بلا لیا ہے۔
سعودی میڈیا کے مطابق سعودی عرب، متحدہ عرب امارات اور بحرین نے مشترکہ بیان میں کہا کہ تینوں ممالک کو اپنے اپنے ممالک کی سلامتی اور استحکام کے تحفظ کے پیش نظر یہ اقدام اٹھانا پڑا، تینوں ممالک کا کہنا تھا کہ قطر 6 رکنی خلیج تعاون کونسل (جی سی سی) کے طے شدہ اصولوں کی پابندی نہیں کر رہا ہے، مشترکہ بیان میں کہا گیا کہ پیر کو سعودی عرب کے دارالحکومت ریاض میں ہونے والے ایک اجلاس میں قطر کو یہ سمجھانے کی بڑی کوشش کی گئی کہ بحیثیت خلیج تعاون کونسل کے رکن ہونے کے ناطے قطر پر ذمہ داری عائد ہوتی ہے کہ وہ مشترکہ سکیورٹی معاہدے پر عمل درآمد کرے۔
دوسری جانب قطر نے سعودی عرب، متحدہ عرب امارات اور بحرین کی جانب سیفروں کو واپس بلانے پر افسوس کا اظہار کرتے ہوئے کہا ہے کہ تینوں ممالک نے ان اختلافات کی وجہ اپنے سفیروں کو واپس بلایا ہے جن کا تعلق خلیج تعاون کونسل سے نہیں ہے تاہم قطر ان ممالک سے اپنے سفیروں کو بلانے کا ارادہ نہیں رکھتا۔
بھارت میں لوک سبھا کے انتخابات کے لیے تاریخوں کا اعلان
برطانیہ میں نفسیاتی تشدد کو مجرمانہ قرار دینے کا مطالبہ
