الریاض (اصل میڈیا ڈیسک) سعودی عرب کے نائب وزیر دفاع شہزادہ خالد بن سلمان بن عبدالعزیز نے کل بدھ کو سلطنت عمان کے نئے فرمانروا سلطان ھیثم بن طارق بن تیمور سے ملاقات کی۔ اس ملاقات میں دونوں رہ نمائوں نے دو طرفہ تعلقات، خطے کے اہم مسائل اور عالمی امور پرتبادلہ خیال کیا۔
العربیہ ڈاٹ نیٹ کے مطابق سعودی عرب کے نائب وزیر دفاع شہزادہ خالد بن سلمان نے خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان بن عبدالعزیز کی طرف سے سلطنت عمان کی قیادت اور عوام کے لیے نیک تمنائوں کا پیغام بھی پہنچایا۔
شہزادہ خالد بن سلمان اور سلطان ھیثم بن طارق کے درمیان ہونے والی ملاقات میں دو طرفہ تاریخی اور برادرانہ تعلقات، خطے اور عالمی مسائل پربھی بات چیت کی گئی۔
دہلی فسادات سے 35 ارب ڈالرز کا نقصان، اقوام متحدہ کا بھارتی سپریم کورٹ سے رجوع
عمرہ میں عارضی تعطل کا فیصلہ شرعی تفاضوں سے ہم آہنگ ہے: سپریم علماء کونسل
