کراچی (اصل میڈیا ڈیسک) اسٹیٹ بینک آف پاکستان نے آئندہ 2 ماہ کے لیے شرح سود 7 فیصد پر برقرار رکھنےکا فیصلہ کیا ہے۔
گورنر اسٹیٹ بینک رضا باقر نے کراچی میں نیوز کانفرنس کرتے ہوئے آئندہ 2 ماہ کے لیے شرح سود 7 فیصد پر برقرار رکھنے کا اعلان کیا۔
گورنر اسٹیٹ بینک نے اسٹیٹ بینک کی 2 ماہ کی مانیٹری پالیسی کا اعلان کرتے ہوئےکہا کہ پالیسی ریٹ مہنگائی کی شرح سے کم ہے، معاشی ماہر اسے منفی شرح سود کہتے ہیں، حقیقی شرح سود منفی رکھنےکا سبب نمو پر توجہ ہے۔
رضا باقر کا کہنا تھا کہ کرنٹ اکاؤنٹ خسارہ 10 سال میں کم ترین سطح پر ہے،کوویڈ کے دوران کیےگئے اقدامات کے باعث معاشی اعداد بہتر ہوئے ہیں۔
ان کا کہنا تھا کہ کوویڈکی وبا میں پالیسی سپورٹ جاری رکھنے کا فیصلہ کیا گیا ہے، پالیسی ریٹ کو مسلسل پانچویں بار مستحکم رکھا گیا ہے ،جون میں مہنگائی کی شرح 8.9 فیصد رہی، برآمدات رواں سال بہتر ہوئیں، ترسیلات زر میں مذید اضافہ متوقع ہے۔
’شہر غیر ضروری باہر نہ نکلیں‘، کراچی میں شام 6 کے بعد مکمل پابندی کا حکم
کراچی میں کورونا مزید بڑھ گیا
