فیصل آباد : محکمہ سپورٹس سٹی ڈسٹرکٹ و ڈسٹرکٹ کبڈی ایسوسی ایشن فیصل آباد کے زیر اہتمام دوسرالائلپور گولڈ کپ کبڈی ٹورنامنٹ یکم مارچ سے اقبال سٹیڈیم میں شروع ہو گا۔
اس بات کا اعلان گزشتہ روز ڈسٹرکٹ کبڈی ایسوسی ایشن فیصل آباد کے صدر خواجہ محمد اسلام نے اقبال سٹیڈیم فیصل آباد میں پریس کانفرنس کے دوران کیا اس موقع پر میاں محمد فاروق ایم این اے ‘ ڈسٹرکٹ کبڈی ایسوسی ایشن فیصل آباد کے جنرل سیکریٹری رانا عمران احمد خاں ‘ڈسٹرکٹ سپورٹس آفیسر طارق نذیرڈویژنل کبڈی ایسوسی ایشن فیصل آباد کے صدر جاوید کمال ‘حاجی احمد دین ‘سرور بٹ ایڈووکیٹ’عبدالجبارباری گجر’منظور بٹ’طارق ساہی ‘ریاض میانہ ‘ماسٹر سلیم گجر ‘طیب گیلانی اور دیگر عہدیدار بھی موجود تھے۔
خواجہ محمد اسلام نے ٹورنامنٹ کی تفصیلات بتاتے ہو ئے کہا کہ اس میں فیصل آباد کی تحصیلوں کی سات ٹیمیں حصہ لیں گی جس میں کبڈی کی قومی ٹیم کے کھلاڑیوں کے علاوہ بھارت سے سابق کھلاڑی بھی شریک ہونگے۔
ٹورنامنٹ کا فائنل 4مارچ کو کھیلا جائے گا ٹیموں میں فیصل آباد گرین’فیصل آباد وائٹ ‘سمندری لائنز ‘لائلپور لائنز ‘جڑانوالہ لائنز ‘جھمرہ لائنز ‘ اور تاندیلیانوالہ لائنز شامل ہیں بہترین کھیل کا مظاہر ہ کرنے والے کھلاڑیوں کو انفرادی انعامات بھی دئیے جائیں گے شائقین کے لیے داخلہ فری ہوگا
تلہ گنگ کی خبریں 26/02/2015
شیخوپورہ سے امام بری مزار اسلام آباد حاضری دینے والے 22 سائیکل سواروں کا قافلہ وزیرآباد پہنچ گیا
