پشاور (جیوڈیسک) سیکیورٹی خدشات کے پیش نظر پشاور سینٹرل جیل کی سیکیورٹی ہائی الرٹ کر دی گئی ہے، ملزمان کی پیشی اور قیدیوں سے ملاقات پر باپندی عائد کر دی ہے۔
پشاور سینٹرل جیل میں سیکورٹی خدشات اور سرچ آپریشن کے باعث سیکیورٹی بڑھا دی گئی ہے۔ جیل میں فوج کے اہلکاروں کو تعینات کر دیا گیا ہے، جبکہ قیدیوں سے ملاقات اور آج عدالت میں پیشی کے لئے جانے والے ملزمان کو بھی روک دیا گیا ہے۔
سینٹرل جیل کے داخلی اور خارجی راستوں کو بھی سیل کر دیا گیا ہے۔
