لاہور (جیوڈیسک) محکمہ تعلیم پنجاب نے سیکیورٹی خدشات کے پیش نظر صوبے بھر کے اسکولوں میں موسم سرما کی تعطیلات میں مزید 3 روز کا اضافہ کر دیا ہے۔
محکمہ تعلیم پنجاب کے مطابق صوبے بھر کے اسکول موسم سرما کی تعطیلات کے بعد 9 جنوری سے کھلنا تھے تاہم سیکیورٹی خدشات کے پیش نظر تعطیلات میں 3 روز کا اضافہ کر دیا گیا ہے اور اب اسکولوں میں تدریسی عمل 12 جنوری سے شروع ہو گا۔
تعطیلات میں اضافہ تمام سرکاری نیم سرکاری اور نجی اسکولوں پر ہوگا۔ واضح رہے کہ سانحہ پشاور کے بعد پنجاب حکومت نے صوبے بھر میں تعلیمی اداروں کی حفاظت کے لئے خصوصی اقدمات کرنے شروع کردیئے ہیں جس کے تحت تعلیمی اداروں کی دیواریں اونچی کی جارہی ہیں جبکہ وہاں سیکیورٹی گارڈز بھی تعینات کئے جا رہے ہیں۔
شمالی وزیرستان میں فضائی کارروائی کے دوران 39 دہشتگرد ہلاک کر دیئے، ترجمان پاک فوج
دہشت گرد کراچی کے مضافاتی علاقوں میں اکٹھے ہو رہے ہیں، پولیس چیف کا انکشاف
