کراچی (جیوڈیسک) اداکارہ ثروت گیلانی نے کہا ہے کہ کراچی ٹی وی ڈرامہ انڈسٹری کا حب بن چکا ہے ، ملک بھر کے فنکار مختلف ڈراموں کی ریکارڈنگ کے لئے کراچی میں مصروف عمل ہیں، منتخب کرداروں کی بنا پر ٹی وی ڈراموں میں کم نظر آتی ہوں، ڈرامہ سیریل صاعقہ میری فنی زندگی کا یادگار سیریل ہے۔
اس میں کام کر کے جو مزہ آیا تھا اس کو لفظوں میں بیان کرنے سے قاصر ہوں۔ ان خیالات کا اظہار انہوں نے فلموں میں کام کرنے کے حوالے سے کہا کہ ابھی وقت نہیں آیا کہ فلم میں کام کروں البتہ فلم انڈسٹری میں نیا خون ٹی وی ڈرامہ انڈسٹری سے آرہا ہے۔
ہمایوں سعید، بلال لغاری، جامی، ثاقب ملک، آمنہ شیخ، محب مرزا ، زیبا بختیار ، اذان ، فضا علی مرزا کی فلموں کی کامیابیوں نے ٹی وی فنکاروں کے لئے راستے ہموار کردیئے ہیں۔ اداکار فہد مصطفی نے فلم نامعلوم افراد میں پہلی بار کام کرکے احساس دلادیا کہ ٹی وی فنکار کسی سے کم نہیں ہوتے ۔فہد مرزا سے شادی کے بعد ٹی وی ڈراموں میں کم اور معیاری کام کرنے کو ترجیح دے رہی ہوں۔
کراچی: اتفاقیہ گولی چلنے سے زیر تربیت اہلکار جاں بحق
کراچی اسٹاک ایکسچینج میں کاروباری سرگرمیاں تاریخ کی بلند ترین سطح پر پہنچ گئی
