سیمی فائنل میں بلوچستان انڈر 17کو 18رنز سے شکست،اورنگزیب سلطان اکیڈمی کے بلال احمد 3وکٹ حاصل کرکے مین آف دی میچ رہے
Posted on July 7, 2013 By Noman Webmaster کراچی
کراچی : پاکستان اکیڈمی اسپورٹس سوشل ویلفیئر بورڈ کے زیر اہتمام اسلام آباد کے راول کنگ گرائونڈ میں منعقدہ آل پاکستان انڈر 17 قائد اعظم کرکٹ ٹرافی 2013ء میں سندھ انڈر 17 کی نمائندگی کرنے والی اورنگزیب سلطان اکیڈمی نے فائنل کے لئے کولیفائی کر لیا۔ آل پاکستان انڈر 17 قائد اعظم ٹرافی 2013ء کے سیمی فائنل میچ میں ایک سنسنی خیز مقابلے کے بعد بلوچستان انڈر17 کو 18 رنز سے شکست دے کر فائنل میں پہنچ گئی۔
فاتح ٹیم کے بلا ل احمد نے شاندار بالنگ کا مظاہرہ کرتے ہوئے 5اوورز میں 17 رنز کے عوض 3 اہم وکٹیں حاصل کرکے مین آف دی میچ رہے۔ آل پاکستان آنڈر 17 قائد اعظم ٹرافی 2013ء کا فائنل آج مورخہ 8جولائی 2013ء کو سندھ انڈر 17 کی ٹیم اورنگزیب سلطان اکیڈمی اور پنجاب انڈر 17 کے درمیان کھیلا جائے گا۔
لیاری کشیدگی، درجنوں خاندان بلدیہ ٹاون کے اسکول میں پناہ لینے پر مجبور
کھلاڑیوں کے عمدہ کھیل ہی سے صحت مند معاشرہ جنم لیتا ہے، عبدالعزیز خان