اسلام آباد (جیوڈیسک) سابق صدر پرویز مشرف کے خلاف سنگین غداری کے مقدمے کی سماعت کرنے والی خصوصی عدالت نے کیس میں دیگر ملزموں کو شامل کرنے کی درخواست پر فیصلہ محفوظ کر لیا۔
جسٹس فیصل عرب کی سربراہی میں 3 رکنی خصوصی بنچ سابق صدر کے خلاف سنگین غداری کیس کی سماعت کر رہا ہے جبکہ عدالت نے اس درخواست پر فیصلہ محفوظ کرلیا جس میں اپیل کی گئی تھی کہ 3 نومبر کی ایمرجنسی لگانے میں شامل دیگرملزموں کو بھی کیس میں شامل کیا جائے جبکہ عدالت نے درخواست پر فیصلہ محفوظ کرلیا جو 21 نومبر کو سنایا جائے گا۔
دوران سماعت پرویز مشرف کے وکیل بیرسٹر فروغ نسیم نے ایمرجنسی اقدام سے متعلق سابق وزیراعظم شوکت عزیزکا 4 نومبر2007 کا بیان بھی عدالت میں پیش کیا اور دلائل دیتے ہوئے کہا کہ کوئی فرد مارشل لا یا ایمرجنسی نہیں لگا سکتا اور یہ اجتماعی اقدام ہوتا ہے جس میں دیگر شریک ملزمان کو بھی شامل کیا جائے جس پر عدالت نے درخواست پر فیصلہ محفوظ کرتے ہوئے سماعت 21 نومبر تک ملتوی کردی۔
عمران خان کی درخواست پر اسپیکر ایاز صادق کے حلقے کے انتخابی ریکارڈ کی جانچ پڑتال شروع
نواز شریف کی حکومت جلد پسپائی اختیار کرے گی، چوہدری اعتزاز احسن
