گجرات (جی پی آئی) ممتازکاروباری شخصیت حاجی وقار احمد (وقار ہارڈویئر )نے ممتاز عالم دین محقق العصر خطیب اعظم یو کے مفتی محمد انصر القادری کے اعزاز میں پر تکلف ظہرانہ کا اہتمام کیا جوکہ انکی دینی و تبلیغی خدمات کے اعتراف میں کیا گیا۔ جس کی صدارت زیب سجادہ آستانہ عالیہ سلہوکے شریف صاحبزادہ پیر سید سلیم رضا شاہ نے کی۔ جبکہ مہمان خصوصی ممبر صوبائی اسمبلی حاجی عمران ظفر اور خطیب اعظم یو کے مفتی محمد حنیف ساقی تھے ۔اس موقع پر ممتاز شخصیات کی کثیر تعداد نے شرکت کی جن کا استقبال حاجی وقار احمد ‘ عمران شاہد قادری’ سید عقیل بن اسد’ شیخ ثمین نے کیا۔ شرکاء میں سابق صدر چیمبر عدنان اقبال مکی’ میاں محمد ندیم’ راجہ طاہر شیر’ راجہ حبیب الرحمن’ چوہدری طاہر شبیر’ شہزاد بٹ’ صوفی ضیاء احمد ‘ عباس شہباز’ کونسلر راحیل نثار’ اشتیاق بٹ’ ملک محمد جمیل (علی بابا)’ چوہدری لیاقت محمود بریڈ فورڈ’ منشاء سیال وزیر آباد’ سید قلب عباس چک بیگہ’ غلام ربانی’ چوہدری مختار احمد رامکے’ عرفان ڈار’ سلیم بٹ ویٹا فین’ چوہدری امجد وڑائچ کلا چور’ محمد اکرم ‘ چوہدری عثمان گڈو’ قمر شہزاد’ نعیم اختر’ افضال حسین’ رانا عمران’ چیئرمین چوہدری افتخار وڑائچ’ محمد شیر آف کینیڈا’ عبدالمجید گجر ‘ شاہد اقبال’ ڈاکٹر رزاق غفاری’ و دیگر شریک تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ممتاز سماجی شخصیت ممبر ڈویژنل امن کمیٹی کی تائی جان گزشتہ روز رضائے الٰہی سے انتقال کر گئیں۔ مرحومہ کو سینکڑوں سوگواروں کی موجودگی میں قبرستان بھٹیاں میں سپردِ خاک کر دیا گیا۔ مرحومہ کی نماز جنازہ میں ہر مکتبہ فکر سے تعلق رکھنے والے افراد کی کثیر تعداد نے شرکت کی۔ جن میں صدر حسینیہ ٹرسٹ چوہدری منظور وڑائچ’ پروفیسر سرفراز جعفری’ الطاف کاظمی’ سیٹھ ظہیر عباس صراف’ خان سجیل خان’ مرزا منیر احمد’ شہزاد بٹ’ ڈاکٹر رزاق احمد غفاری’ شاہد اقبال’ چیئرمین یوسف گل’ ملک بابر نسیم ‘ ذوالفقار احمد’ فیضان خالد بٹ’ یاسر سیٹھی’ مزین حمید بٹ’ سید مستحسن شاہ’ نوازش علی نوازش’ صابر علی صابر’ طارق سلامت’ سیٹھ ارشد’ شیخ نصیر احمد’ سیٹھ علی اصغر’ سیٹھ عابد ‘ خادم سلیمی’ یاسر وریائ’ ذوالفقار علی باجوہ’ خان شبیر خان’ و دیگر اہم شخصیات نے شرکت کی۔ مرحومہ کا ختم قل جامع مسجد میاں شیر علی محلہ خواجگان میں صبح 10ہوگا دعا 11بجے ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) بھتیجے کی وفات کا صدمہ چچا بھی چل بسا۔ ممتاز مسلم لیگی رہنما و سابق کونسلر چوہدری محمد جاوید پڈا کے بھائی صدر کاٹیج فرنیچرز ایسوسی ایشن چوہدری منور حسین پڈا گزشتہ روز رضائے الٰہی سے انتقال کر گئے۔ گزشتہ روزپروفیسر محمد اکرم پڈا کا جوانسال بیٹا رضائے الٰہی سے انتقال کر گیا۔ جس کی خبر سن کر چوہدری منور حسین پڈا بھی حرکت قلب بند ہو جانے سے جاں بحق ہو گئے۔ مرحومین کی نماز جنازہ آج صبح 10 بجے قبرستان میراں صاحب نور پور پڈھے میں ادا کیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ممتاز کاروباری شخصیت حاجی وقار حسین (وقارہارڈوئیر)کے بھائی عدنان حسین کی دعوت ولیمہ میں ممتاز شحصیات نے شرکت کی۔حصوصی طورپر حطیب اعظم انگلینڈصاحبزادہ پیرمفتی محمد عنصرالقادری شریک ہوئے اورمبارکباد پیش کی،دیگرشرکاء میںجواد حسین ڈارجلالپورجٹاں،شیخ عرفان پرویز(صدرپنجاب نعت کونسل)،وائس چیئرمین مرزا اسلام،کونسلرشیخ راحیل،سید عقیل بن اسد شاہ،ڈاکٹرمحمد شعیب،ڈاکٹر انصرقادری،میاں محمد ندیم،چوہدری عمران شاہد قادری،عبدالرحمٰن،اعجاز بٹ(شازیہ ہسپتال)ملک افضال حسین،سجاد ڈار،حسن ڈار،حسین ڈار،علی مراد ڈار،محمد اسلم بٹ،شیخ آفتاب،شیخ سلیم،شہزاد ڈار،بائوعرفان(جلالپور جٹاں)مرزا جمشید اقبال(چیئرمین)،وسیم بٹ،شیخ ثمین،عباس سرفراز،ذوالفقارپٹوشہزاد،ایوب سندھو،ڈاکٹررزاق احمد غفاری،چوہدری مجیدگجر،پپوشاہ(دیونہ منڈی)ودیگرنے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے ایک ہی دن میں مختلف علاقوں میں قائم 15سرکاری سکولوں اور ہسپتالوں اور یونین کونسل آفس کا اچانک دورہ کیا ،تعلیی اداروں میں تدریسی سرگرمیوں ، ہسپتالوں میں مریضوں کو طبی سہولیات ، انسداد پولیو مہم کا جائزہ لیا، انہوںنے یونیفارم نہ پہننے پر بنیادی مرکز صحت ملہو کھوکھر کے لیب اسسٹنٹ کو فوری طور پر معطل کرنے کے احکامات جاری کر دیے۔ ڈی ایم او وقار حسین خان، ای ڈی او ز ڈاکٹر الطاف چوہدری، ا ی ڈی او ایجوکیشن طاہر کاشف اور دیگر افسران بھی انکے ہمراہ تھے ۔ تعلیم اور صحت کے شعبہ میں حکومتی اقدامات پر عملدرآمد کا جائزہ لینے کیلئے ڈی سی او لیاقت علی چٹھہ نے سول ہسپتال کوٹلہ ارب علی خان، بنیادی مراکز صحت بھدر، مہلو کھوکھر، جوڑاجلالپور،منڈیر، میٹرنٹی ہسپتال کوٹلی بجاڑکا دورہ کیا۔ انہوںنے تمام ہسپتالوں میں قائم انسدا د پولیو مہم کے سلسلہ میں قائم فکسڈ سنٹر کا معائنہ کیا اور وہاں بچوں کو پولیو سے بچائو کے قطرے پلانے کے عمل کا جائزہ لیا۔ ڈی سی او نے تمام ہسپتالوں میں علاج کے لئے موجود مریضوں سے بھی سہولیات اور مفت ادویات کے حوالے سے استسفار کیا ، ڈرگ سٹورز، ایکسرے رومز اور لیب کا معائنہ کیا۔ انہوںنے کہا کہ حکومت نے تمام ہسپتالوں میں18بنیادی ادویات وافر مقدار میں فراہم کی ہیں ڈاکٹرز مریضوں کو حکومت کی طرف سے فراہم کردہ ادویات مفت فراہم کریں۔ ڈی سی او نے بنیادی مرکز صحت ملہوکھوکھر کی لیب کے معائنہ کے موقع پر لیب اسسٹنٹ عنصر محمود کے یونیفارم نہ پہننے کا سخت نوٹس لیا اور اسے معطل کرنے کے احکامات جاری کئے ۔ انہوںنے ڈاکٹرز و عملہ کو ہدایت کی کہ وزیر اعلی پنجاب کے احکامات کے مطابق یونیفارم یقینی بنائیں بصورت دیگر سخت ایکشن لیا جائے گا۔میٹرنٹی ہسپتال بجاڑ کے دورہ کے موقع پر انہوںنے ہسپتال کی کارکردگی کو سراہا اور اسے مزید بہتر بنانے کی ہدایت کی۔ ڈی سی او نے گورنمنٹ بوائر و گرلز سکولز کوٹلہ ارب علی خاں، ہرباسیوار، ملہو کھوکھر، گرلز و بوائز سکول بھدر، قطب گولڑہ، منڈیر کا بھی دورہ کیا اور مختلف کلاسوں ، کمپیوٹر لیب ، سائنس لیب اور لائبریری کا معائنہ کیا انہوں نے ہدایت کی کہ سکول میں زیر تعلیم تمام طلباء و طالبات کو لائبریری ، کمپیوٹر و سائنس لیب سے مستفید ہونے کے بھرپور مواقع فراہم کیے جائیں ۔ انہوںنے ہدایت کی کہ سرکاری سکولوں کے اساتذہ ، کوالٹی ایجوکیشن بہتر بنانے اور بہتر نتائج کے حصول کیلئے سخت محنت کریں نیز طلبہ و طالبات کی کردار سازی پر بھی توجہ دی جائے۔انہوںنے ہدایت کی کہ نرسری کلاسوں میں زیادہ سے زیادہ طلبہ و طالبات کا داخلہ یقینی بنایا جائے۔ یونین کونسل جوڑا جلالپور کے دورہ کے موقع پر ڈی سی او نے سیکرٹری کو ہدایت کی کہ دفتر میں تاریخ پیدائش ، اندراج وفات ، اور دیگر خدمات کے لئے سرکاری فیسوں کا چارٹ نمایاں طور پر آویزاں کریں۔ انہوںنے ہدایت کی کہ منتخب نمائندے باقاعدہ اپنے دفاتر میں بیٹھیں اور عوامی مسائل حل کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) اسسٹنٹ کمشنر نورالعین نے جلالپور جٹاں روڈ پر واقع بھٹہ خشت پر کمسن بچی سے مشقت کرانے پر بھٹہ مالک، منشی اور بچی کے والد کے خلاف مقدمہ درج کرادیا ہے ۔ ڈی سی او لیاقت علی چٹھہ کی ہدایت پر اے سی گجرات نورالعین قریشی نے لیبر آفیسر بشیر حسین کے ہمراہ جلالپور جٹاں روڈ پر واقع متعدد بھٹہ خشت کی اچانک چیکنگ کی اس دوران شاہدولہ بھٹہ خشت پر 7/8سالہ سویر ا سکول جانے کی بجائے اپنے والدین کے ساتھ بھٹہ خشت کیلئے اینٹیں بنا رہی تھی ۔ اسسٹنٹ کمشنر نے کمسن بچی سے مشقت کرانے کا سخت نوٹس لیا اور بھٹہ خشت مالک چوہدری غضنفر، منشی محمد نواز اور بچی کے والد احسان کے خلاف تھانہ صدر گجرات میں مقدمہ درج کرادیا ہے۔ اے سی گجرات نے بتایا کہ حکومت کی طرف سے واضع احکامات کے باوجود بچی کو سکول بھیجنے کی بجائے اس سے مزدوری کرائی جارہی تھی ۔ ڈی سی او لیاقت علی چٹھہ نے کامیاب کاروائی پر اے سی گجرات نورالعین اور انکی ٹیم کی کارکردگی کو سراہا ہے اور تمام اسسٹنٹ کمشنرز کو ہدایت کی ہے کہ بھٹہ خشت کی چیکنگ کا سلسلہ سخت کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ضلع میں انسدا د پولیو مہم کامیابی سے جاری ہے اور پہلے 2دن کے دوران پانچ سال تک عمر کے 2لاکھ 89ہزار بچوں کو پولیو سے بچائو کے قطرے پلا دیے گئے ہیں۔ ا ن خیالات کا اظہار ای ڈی او ہیلتھ ڈاکٹر الطاف چوہدری ، ڈی او ایچ ڈاکٹر محمد علی مفتی نے ڈی سی او لیاقت علی چٹھہ کو بریفنگ دیتے ہوئے کیا، ڈبلیو ایچ او کے نمائندہ ڈاکٹر قیصر نذیر بھی موجود تھے۔ محکمہ صحت کے افسرا ن نے بتایا کہ ضلع بھر میں 4لاکھ32ہزار سے زائد بچو ں کو پولیو سے بچائو کے قطرے پلانے کا ہدف مقرر ہے پہلے روز 1001موبائل ، 120فکسڈ اور 31ٹرانزٹ ٹیموں نے 1لاکھ47ہزار 286دوسرے دن 1لاکھ 40ہزار 768بچوں کو پولیو سے بچائو کے قطرے پلائے ہیں ۔انہوںنے بتایا کہ کسی وجہ سے دستیاب نہ ہونے والے بچوں کو بھی قطرے پلانے کیلئے اقدامات جاری ہیں اور ابتک ایسے 14ہزار سے زائد بچوں کو قطرے پلائے جاچکے ہیں۔ انہوںنے اس عزم کا اظہار کیا کہ حالیہ انسداد پولیو مہم کے نتائج پہلے سے بھی بہترین ہوں گے۔ ڈی سی او لیاقت علی چٹھہ نے محکمہ صحت کے افسران اور انسداد پولیو ٹیموں کے اہلکاروں کو ہدایت کی کہ وطن عزیز سے اس خطرناک مرض کے خاتمہ کیلئے سخت محنت کریں اور ایک بھی بچہ پولیو کے قطروں سے محروم نہیں رہنا چاہیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے شہباز شریف پارک کا دورہ کیا اور وہاں جاری تعمیراتی کاموں اور شوٹنگ کلب کیلئے مجوزہ اراضی کا معائنہ کیا مسلم لیگ ن کے راہنما حاجی ناصر محمود ، ڈی او بلڈنگز محمد شریف ، صدر چیمبر آف کامرس شیخ ابرار سعید و دیگر بھی ان کے ہمراہ تھے ۔ اس موقع پر بات چیت کرتے ہوئے ڈی سی او لیاقت علی چٹھہ نے کہا کہ شہبازشریف پارک گوجرانوالہ ڈویژن کا سب سے بڑا تفریحی مرکز ہے جہاں گزشتہ دونوں عیدوں کے دوران لاکھوں فیملیز نے وزٹ کیا اور حکومت پنجاب کی طرف سے فراہم کی جانے والی تفریحی سہولیات سے استفادہ کیا ۔ انہوں نے بتایا کہ پارک میں تفریحی سہولیات میں مزید اضافہ کیا جائے گا جس میں حالیہ اضافہ شوٹنگ کلب کی تعمیر ہے ۔ انہوں نے کہا کہ پارک سے ملحقہ اراضی پر پبلک پرائیویٹ پارٹنر شپ کے تحت جائے لینڈ اور ریسٹورنٹ کی تعمیر کیلئے کیس حکومت پنجاب کو منظوری کیلئے بھجوایا جا چکا ہے ۔حاجی ناصر محمود اور صدر چیمبر آف کامرس نے شہباز شریف پارک کو حکومت پنجاب کا تحفہ دیا اور امید ظاہر کی کہ یہ پارک گجرات کی پہچان قرار پائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان مسلم لیگ کے سینئرمرکزی رہنما و سابق نائب وزیر اعظم چودھری پرویزالٰہی نے کہا ہے کہ شریف برادران بھارتی آلو، ٹماٹر اور دیگر سبزیاں منگوا کر بھارتی کسانوں کو نوازنے اور پاکستانی زراعت کو تباہ اور کسانوں کو برباد کرنے کی پالیسی کیوں تبدیل نہیں کر رہے، ایک طرف مودی ہمارا پانی بند کر رہا ہے اور دوسری طرف ہمارے حکمران پنجاب میں کسانوں پر تشدد اور انہیں پکڑ کر جیلوں میں ڈال رہے ہیں، انہیں چاہئے کہ وہ کسانوں کو جیلوں میں ڈالنے کی بجائے ان کے مطالبات فوری تسلیم کریں اور انہیں ہمارے دور کی طرح سستی بجلی، پانی، کھادیں، بیج اور دل کھول کر سہولتیں و مراعات فراہم کریں۔ انہوں نے ایک بیان میں کسانوں کا احتجاج روکنے کیلئے کریک ڈائون کی سخت ترین الفاظ میں مذمت کرتے ہوئے کہا کہ پاکستان مسلم لیگ کسانوں کی جدوجہد اور مطالبات کی مکمل حمایت کرتی ہے، پنجاب میں جب سے موجودہ حکمران اقتدار میں ہیں ان کی کسان کش پالیسی کیخلاف مسلسل احتجاج کیا جا رہا ہے، مودی حکومت کی جانب سے ہمارے دریائی پانی کی بندش اور پاکستان کی معیشت کو تباہ کرنے کے نت نئے طریقے سامنے آ رہے ہیں اور دوسری طرف یہ پاکستان کے حکمران ہیں جو بھارتی زرعی معیشت کو مضبوط اور اپنی زراعت کو تباہ کر رہے ہیں، ن لیگ کی حکومت جب بھی آتی ہے کسانوں کا معاشی قتل عام کرتی ہے، پاکستان ایک زرعی ملک ہے اگر ملک کا کسان خوشحال نہیں ہو گا تو پاکستان کیسے خوشحال ہو سکتا ہے۔ انہوں نے کہا کہ آج کل کسانوں کو اپنی تیار فصلوں کی فکر ہوتی ہے مگر حکمرانوں نے انہیں احتجاج پر مجبور کر دیا ہے، ہم نے اپنے دور میں ساڑھے بارہ ایکڑ زرعی اراضی پر ٹیکس معاف کیا، ٹیوب ویل کا 50 فیصد بجلی کا بل ہماری حکومت ادا کرتی تھی، ٹیل تک پانی پہنچایا، کھاد کی قیمتوں میں سبسڈی دی، پکے کھالے تعمیر کیے غرضیکہ ہماری حکومت نے کسانوں کو مراعات فراہم کرنے کے ساتھ ساتھ ان کی خوشحالی کیلئے خاطر خواہ اقدامات کیے تھے جو شہبازشریف نے بند کر دئیے جس کی وجہ سے آج کسان بے حال ہے۔ انہوں نے کہا کہ ہر ملک میں کسانوں کا خاص خیال رکھا جاتا ہے لیکن پنجاب میں کسانوں سے دشمنی کی جاتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) یکم اکتوبر کو کُل پاکستان لبیک یا رسول اللّٰہ کانفرنس مینارِ پاکستان کے تعارف کے لئے پیشوائے اہلسنت پیر محمد افضل قادری کے حکم سے تحریک لبیک یارسول اللہ ضلع گجرات کے زیر اہتمام لبیک یارسول اللّٰہ ریلی آج 2بجے دن شاہین چوک سے شروع ہو کر سرکلر روڈ کا چکر لگاتے ہوئے میلاد چوک گجرات اختتام پذیر ہو گی جس کی قیادت حضرت پیر قاضی محموداحمد قادری ، علامہ عبد الرشید اویسی اور مفتی عبد الرحمن نعیمی اور دیگر علماء ومشائخ کریں گے ۔تاریخ ساز” کل پاکستان لبیک یارسول اللہ کانفرنس” مینار ِ پاکستان کے سایہ میں یکم اکتوبر بروزہفتہ بعد نماز مغرب شروع ہو رہی ہے جس میں چاروں صوبوں اور کشمیر سے ہزاروں علماء ومشائخ اور لاکھوں عوام شرکت کر رہے ہیں ۔”کل پاکستان لبیک یارسول اللہ کانفرنس” میں نظریہ پاکستان ،نظام مصطفی کے نفاذ ،ناموس رسالت کے تحفظ ،سلامتی واستحکام پاکستان ،آزاد کشمیر اور جہاد کی فرضیت واہمیت کے موضوع پر ممتاز سکالر اور ممتاز علماء ومشائخ خطاب فرمائیں گے اور قوم کو شاندار لائحہ عمل دیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)روزنامہ نوائے وقت لالہ موسیٰ کے نامہ نگار ماہر تعلم عطاء اللہ چیمہ کے بڑے بھائی رحمت اللہ چیمہ گزشتہ روز انتقال کر گئے جنہیں قبرستان بسمہ اللہ شادمان کالونی گجرات میں سپردخاک کر دیا گیا مرحوم کی روح کے ایصال ثواب کیلئے ختم قل کی محفل آج 29ستمبر بروز جمعرات صبح 10بجے انکی رہائشگاہ دھکڑ پلازہ رحمن شہید روڈ کے عقب میں پڑھاجائیگا اجتماعی دعا 11بجے دن ہوگی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ”پیار نہیں مار ”ٹیچر نے پانی دیر سے لانے پر 12سالہ طالبعلم کو چھڑی سے وحشیانہ تشدد کا نشانہ بنا ڈالا بچہ کرب سے چیخ اُٹھا والدین سراپا احتجاج تفصیل کے مطابق محلہ علی پورہ روڈ کے رہائشی موٹر سائیکل مکینک قاسم بٹ کے گورنمنٹ کرسچن ہائی سکول گجرات میں6ویں جماعت میں زیر تعلیم12سالہ بیٹے ذیشان قاسم کو شعبہ اسلامیات کے ٹیچر راجہ ادریس نے چھڑیوں سے تشدد کا نشانہ بنا ڈالا جس کیوجہ سے بچے کے بازو اور ٹانگوں پر گہرے زخم آگئے بچے کے والد قاسم بٹ نے کمشنر گوجرانوالہ ، ڈی سی او گجرات ، ای ڈی او ایجوکیشن سے مذکورہ ٹیچر کیخلاف کارروائی کا مطالبہ کرتے ہوئے کہا کہ مار نہیں پیار کے محاورے پر سکول ہذا کے ٹیچر نے الٹ عملدرآمد شروع کر رکھا ہے ایسی اساتذہ کیوجہ سے بچے تعلیم سے دور بھاگ کر بے راہ روی کا شکار ہو تے ہیں مذکورہ ٹیچر کیخلاف محکمانہ کارروائی عمل میں لائی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)عالمگیر شہرت کے حامل نعت خواں خورشید احمد کراچی (مرحوم) کے شاگرد خاص معروف نعت خوان محمد سلیمان قادری نوشاہی کا آن ٹی وی کے پروگرام”مرحبا” میں رات10سے 11 بجے 30ستمبر 2016ء بروز جمعتہ المبارک کو لائیو انٹرویودکھایا جائے گا۔ تفصیل کے مطابق آن ٹی وی کے معروف اینکر اکمل منشاء کے پروگرام ”مرحبا”میں عالمگیر شہرت کے حامل نعت خواں خورشید احمد کراچی (مرحوم) کے شاگرد خاص معروف نعت خوان محمد سلیمان قادری نوشاہی کا 30ستمبر بروز جمعتہ المبارک کورات10سے 11بجے تک لائیو انٹرویو چلے گا جس میں محمد سلیمان قادری نوشاہی لائیو کالز پر نعتیں پیش کریں گے۔محمد سلیمان قادری نوشاہی کا انداز نعت خواہانی بالکل اپنے استاد محترم خورشید احمد کراچی مرحوم کی طرح ہے وہ آج بھی اپنی نعتوں کے ذریعے خورشید احمد مرحوم کی یاد تازہ کر رہے ہیں۔ عوام اس میں بذریعہ کال شریک ہو سکتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)میاں برادران کی قیادت میں پاکستان دنیا بھر میں نمایاں مقام حاصل کر رہا ہے تعمیر و ترقی کے زینے طے کر رہا ہے خوشحالی آ رہی ہے غربت اور مہنگائی میں بھی کمی ہو رہی ہے ملکی معیشت دن بدن مضبوط ہو رہی ہے عالمی سطح پر مسئلہ کشمیر پر جرات مندانہ اور دو ٹوک موقف پیش کر کے مسئلہ کشمیر کو نئی جلا بخشی ہے یہ بھی ملکی تاریخ میں پہلی دفعہ میاں محمد نواز شریف نے اقوام متحدہ میں اپنے خطاب کے دوران کمشیریوں کی حمایت کا حق ادا کر دیا ہے ہمیں میاں برادران کی قیادت پر مکمل اعتماد اور فخر ہے حلقہ این اے107کی تعمیر و ترقی بھی میاں برادران کی خصوصی شفقت اور مہربانیوں کی مرہون منت ہے ان خیالات کا اظہار ایم این اے حلقہ 107 چوہدری عابد رضا کوٹلہ نے کیا۔ انہوں نے کہا کہ عوام شعبہ بازوں کے جھانسے میں ہرگز نہیں آئیں گے ملکی ترقی کے خلاف دھرنوں اور احتجاج کو مسترد کر دیں گے پہلے کی طرح اب بھی یہ دھرنیاں اور جلسیاں ناکام ہوں گی۔ عوام نے ضمنی انتخابات اور بلدیاتی انتخابات میں میاں برادران کی قیادت پر مکمل اعتماد کیا ہے اور ضمنی انتخابات میں بھی مسلسل عوام میاں برادران پر ہی اعتماد کر رہے ہیں کیونکہ وہ جانتے ہیں کہ ملک ترقی کر رہا ہے اور عالمی سطح پر نمایاں مقام بھی حاصل کر رہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)راہنما مسلم لیگ(ن) سابق امیدوار چیئرمین یوسی بدرمرجان ملک فضل حسین اعوان بدرمرجان فریضہ حج کی ادائیگی کے بعد گذشتہ روز گھر پہنچ گئے اس دوران انہوں نے جہاں اپنی فیملی کے ہمراہ بیت اللہ کی زیارت کی فریضہ حج سرانجام دیا وہاں پر ملک و ملت کی سلامتی اور امن و امان کے لئے خصوصی دعائیں بھی کیں گھر پہنچنے پر دوست احباب رشتہ داروں نے شایان شان استقبال کیا۔ مبارک باد دینے والوں کا بھی تانتا باندھا ہوا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)محمد اقبال ساکن دھدڑ حال مقیم (انگلینڈ) نے گذشتہ روز کھاریاں میں میڈیا کے نمائندوں سے گفتگو کرتے ہوئے کہا کہ میں ایک اوورسیز پاکستانی ہوں وہاں سے زرمبادلہ بھیج کر ٹیکس بھی ادا کرتا ہوں مگر یہاں پر مجھے اور میرے خاندان کو خطرہ ہے۔ ظریف شاہ، اس کا بھائی مظہر شاہ ساکن دھنی مجھے سنگین نتائج کی دھمکیاں دے رہے ہیں میری زمین پر بھی قبضہ کر رہے ہیں متعدد درخواستیں دی ہیں مگر تاحال شنوائی نہیں ہو رہی مجھے اور میرے رشتہ داروں کو تحفظ فراہم کیا جائے اور میری زمین سے قبضہ بھی واگزار کرایا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)ایم این اے چوہدری عابد رضا کوٹلہ اور ایم پی اے چوہدری شبیر احمد کوٹلہ کی قیادت میں اپنے علاقہ کے عوام کی بے لوث اور بلاتفریق خدمت کا فریضہ سرانجام دے رہے ہیں یونین کونسل کے تمام دیہاتوں میں بلاتفریق ترقیاتی کام ہوئے ہیں جن دیہاتوں میں مسائل ابھی باقی ہیں انشاء اللہ ان میں بھی ترقیاتی کام جلد کروائیں گے ان خیالات کا اظہار مشترکہ طور پر چیئرمین یوسی ڈوگہ حاجی ملک محمد اشفاق اعوان ڈوگہ اور وائس چیئرمین حاجی راجہ فضل الرحمن مکوال نے کیا۔ انہوں نے کہا کہ مسلم لیگ(ن) ملکی ترقی و ترقی اور کوٹلہ برادران حلقہ این اے107 کی تعمیر و ترقی کے ضامن ہیں تاریخ گواہ جو خدمات کوٹلہ برادران نے سرانجام دی ہیں ان کی مثال نہیں ملتی انشاء اللہ موجودہ حکومت کی آئینی مدت پوری ہونے تک حلقہ کے تمام بڑے اور دیرینہ مسائل حل کر لئے جائیں گے مخالفین مزید پانچ سال انتظار کریں کیونکہ آنے والا دور بھی انشاء اللہ مسلم لیگ(ن) کا ہی ہوگا۔ انشاء اللہ 2018ء کے قومی انتخابات میں بھی عوام مسلم لیگ(ن) کو ہی ووٹ دے کر کامیاب بنائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) 30ستمبر کو سید علی عباس بخاری مرکزی صدر یوتھ ونگ پی ٹی آئی کی قیادت میں بڑے قافلے کے ہمراہ رائیونڈ پہنچیں گے ان خیالات کا اظہار پی ٹی آئی یوتھ ونگ کے مرکزی نائب صدر ملک وحید سرور اعوان چیئرمین یوسی بدر مرجان نے کیا انہوں نے کہا کہ اس وقت عوام کی نظریں عمران خان پر لگی ہوئی ہیں کہ وہ ہی کرپٹ حکمرانوں سے چھٹکارا دلا سکتے ہیں اور کرپشن کے خاتمے کیلئے کامیاب جنگ بھی لڑ سکتے ہیں ملک وحید سرور اعوان کا کہنا تھا کہ اپنے ہر دلعزیز لیڈر نوجوان لیڈر سید علی عباس بخاری کی قیادت میںچیئرمین پی ٹی آئی عمران خان کی کال پر لبیک کہتے ہوئے نوجوانوں کے بڑے قافلے کے ہمراہ رائیونڈ پہنچیں گے نوجوانوں نے تیاریاں مکمل کرلی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)اے سی کھاریاں ذوالفقار علی باگڑی کی زیرصدارت گذشتہ روز ٹی ایم اے ہال کھاریاں میں محرم الحرام کے دوران امن و امان کے قیام کے لئے مختلف مکاتب فکر کے علماء کرام اور سرکاری محکموں کے افسران پر مشتمل ایک میٹنگ ہوئی جس میں محکمہ پولیس، ٹیلی فون، واپڈا، ریونیو، ٹی ایم اے کے افسران نے شرکت کی میٹنگ کے شرکاء سے خطاب کرتے ہوئے ذوالفقار علی باگڑی نے کہا کہ امن و امان کے قیام کے لئے ہر ممکن عملی کوششیں کی جائیں گی اس سلسلہ میں علماء کرام اور عوام بھی انتظامیہ کا ساتھ دیں حکومت نے جو بھی ضابطہ اخلاق بنایا ہے اُس پر ہر حال میں عمل درآمد کرایا جائے گا۔ عشرہ محرم کے دوران تمام محکموں کے افسران اوراہلکار چوکس رہیں گے کسی قسم کی شکایت کی صورت میں عوام براہ راست مجھ سے بھی رابطہ کر سکتے ہیں۔ میٹنگ سے مولانا اختر جلالی صدر سنی علماء کونسل کھاریاں، سید شفقت نقوی ایڈووکیٹ راہنما شیعہ علماء کونسل،امیر جماعت اسلامی کھاریاں چوہدری عمران انور اور دیگر نے بھی خطاب کیااس موقع پر مولانا اصغر توحیدی، مولانا عمر حیات، قاری سجیل، ایم ایس سول ہسپتال کھاریاں ڈاکٹر فاروق احمد بنگش، ٹی ایم او ملک شفقت منیر، ٹی او آر تنویر عباس گجر، سی او شیخ وجاہت حفیظ صدیقی، نائب تحصیلدار چوہدری محمد افضل کوٹ بیلہ، نائب تحصیلدار چوہدری سجاد احمد، رانا جمشید انچارج ریسکیو1122کھاریاںاور محکمہ پولیس کے افسران بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)محرم الحرام ایک مقدس مہینہ ہے اورتمام مکاتب فکرکے علماء کرام اورامن کمیٹی کے ممبران کافرض بنتا ہے کہ وہ اس بابرکت مہینہ میںفرقہ واریت سے اجتناب کریںاوراس کے تقدس کاخاص خیال رکھیں۔ان خیالات کا اظہاراسسٹنٹ کمشنروزیرآبادمحمدانوربریار نے محرم الحرام کے سلسلہ میںمنعقدہ اجلاس سے خطاب کرتے ہوئے کیا۔اس موقع پرشیعہ کمیونٹی کے لائسنس دارقاضی اختیارعلی،علا مہ ظہیرذیشان جعفری،سوہدرہ ، شمس اقبال چیمہ،ممبران امن کمیٹی ملک محمدیوسف چاند،ملک شکیل احمد،خواجہ محمدشعیب،ناصر محموداللہ والے،الحاج ارشدمحمودسلیمی،فاروق ادریس بٹ،تحصیلدار غلام مصطفی انصاری،ٹی ایم او قیصر امین وڑائچ،ایس ایچ او سٹی ملک محمدافضل،ڈی ڈی ایچ او ڈاکٹرمحمداصغر ،ایم ایس تحصیل ہیڈکوارٹر ہسپتال ڈاکٹرافتخاراحمد،کرنل (ر)وقار انورشیخ،آصف محمودکلیر،حافظ محمدرفیق عابد علوی ،عامر مشتاق سمیت محکمہ واپڈا اوردیگرمحکموںنے شرکت کی۔اے سی وزیرآبادنے اجلاس میںتمام ترانتظامات کاجائزہ لیاجن میںسیکیورٹی،صحت وصفائی،بجلی کاانتظام وانصرام شامل تھے۔انہوںنے کہا کہ دین اسلام امن وآتشی کادرس دیتا ہے اورمعاشرے میںکسی قسم کی بدامنی اورجارحیت نہ ہے اورامن وامان برقرارکھناانتظامیہ ،پولیس اورتمام مکاتب فکرکے طبقات کی مشترکہ ذمہ داری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)الغنی ڈائیگناسٹک اینڈمیڈیکل سنٹرکے زیراہتمام فری نیورو کیمپ لگا یا گیا ۔اسسٹنٹ پروفیسرنیوروسرجری ڈاکٹر محمدعدنان نے مریضوںکافری معائنہ کیااورمفت ادویات دیں۔کیمپ میں150مریضوںکامعائنہ کیا گیا۔اس موقع پرشہزاداحمد،اویس جاوید مہر ودیگربھی موجودتھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)جماعت اسلا می یوتھ ونگ پی پی 104کے صدرزمان حیدرچیمہ نے کہا ہے کہ بھارتی جارحیت کامقابلہ کرنے کے لئے قوم فوج کے شانہ بشانہ کھڑی ہے۔بے گناہ کشمیریوں پرظلم نے ثابت کردیا ہے کہ بھارت سب سے بڑا دہشت گرد ہے۔پاکستان کی طرف میلی آنکھ سے دیکھنے والوںکی آنکھیں نکال دینگے۔وہ ٹاہلی والا،سوہدرہ،وزیرآباد،چک ستیہ میںاجتماعات سے خطاب کررہے تھے۔اس موقع پر عدنان انورکھرل،اویس کیانی،عقیل احمد،لقمان رانا،اویس جاوید ملک سمیت متعددذ مہ دارا ن موجودتھے۔انہوںنے کہا کہ وطن کے دفاع کے لئے کوئی سیاسی اختلافات نہیںسب متحد ہیں۔انہوںنے کہا کہ ہمارے آبائو اجدادنے اپنی جانوںکانذرانہ دیکریہ ملک حاصل کیا۔جماعت اسلا می آج بھی بنگلہ دیش میںاستحاک پاکستان کی جدوجہدکی سزابھگت رہی ہے۔انہیںپھا نسیاںدی جارہی ہیں۔جیل وتشددکانشانہ بنایا جارہا ہے مگرہمارے حکمران بے حسی کی تصویر ہیں۔انہوںنے کہا کہ نوجوان پاکستان کامستقبل ہیںیہ نظریہ پاکستان پرکوئی آنچ نہیںآنے دینگے۔ملک کاپیسہ لوٹنے والوںکاعبرت کانشان بنائینگے اوریہ صرف جماعت اسلا می ہی کرسکتی ہے۔جس کادامن ہرقسم کی کرپشن سے پاک ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)ضلعی فنانس سیکرٹری انجمن طلباء اسلا م عمررضا نے کہا ہے کہ پا کستان کی بہادرافواج دشمن کوناکوںچنے چبوانے کی پوری صلا حیت رکھتی ہے۔پاک فوج کے شانہ بشانہ دشمن کی کسی بھی جارحیت کامقابلہ کرنے کے لئے تیارہیں۔مودی حکومت پاکستان دشمنی میںپاگل ہوکربدامنی پھیلانے کی کوشش کررہی ہے۔پاکستان بھارتی دھمکیوںسے ڈرنے والا نہیں۔جنگ ستمبرہویا ضرب عضب افواج پاکستان نے قربانیوںکاحق اداکیا۔جوقوم پاکستانی کبوتر سے ڈرتی ہے وہ افواج پاکستان اورپاکستانی قوم کاکیا سامنے کرے گی۔انہوںنے کہا کہ اگربھارت نے پاکستان پرجنگ مسلط کی توپھرپاکستانی عوام بھی وطن پاک کی حفاظت کے لئے آرمی چیف جنرل راحیل شریف کی قیادت میںبھارت کومنہ توڑجواب دینے کے لئے تیارہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)پی ٹی آئی کے رہنماافضال گوندل ایڈووکیٹ نے کہا ہے کہ 30ستمبرکوسونامی رائیونڈکی سڑکوںپرہوگا۔قومی خزانوںپر ڈاکہ ڈالنے والوںکااحتساب بہت ضروری ہے۔کرپشن مافیا نے ملکی اداروںکوتبا ہ کردیا ہے۔پی ٹی عوام کی طاقت سے قومی لٹیروںکااحتساب کرے گی۔حکمرانوںکی دھمکیوںسے مرعوب نہیںہونگے۔قائد عمران خان اقتدارکے لئے نہیںبلکہ معاشرتی سیاسی اورجمہوری اقتدارکے لئے عوام کوشاہراہوںپرلارہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد (جی پی آئی) کامرس پروفیسر ز اینڈ لیکچرز ایسوسی ایشن کے ڈویژنل صد ر عبدالشکور اور ضلعی صدر محمد اختر مسعود ساجد چیمہ نے کہا ہے کہ پنجاب بھر کے 118 کامرس کالجز میں ٹیوٹا کی طرف سے بھرتی کئے گئے اسا تذہ اور عملے کو تاحال مستقل نہ کرنا ناانصافی ہے ۔ حکومت پنجاب نے چار سال قبل پنجاب کے کامرس کالجز کو ٹیوٹا سے نکال کر ہائر ایجوکیشن ڈیپارٹمنٹ میں شامل کیا لیکن کئی سال گزرنے کے باوجو د ان تمام اساتذہ اور دیگر ملازمین کو ابھی تک ریگولر نہیں کیا بلکہ وہ بدستور کنٹریکٹ پر کام کررہے ہے جس سے وہ بے یقینی کا شکار ہیں اس دوران وفات پانے والے ملازمین کے خاندان زیادہ مسائل میں گھر گئے ہیں انہوں نے مطالبہ کیا ہے کہ اساتذہ اور دیگر عملے کو مستقل کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)گورنمنٹ کالج آف کامرس وزیرآباد کے پرنسپل پروفیسر محمد اشفاق نے بتایا ہے کہ ادارہ میں بی کام(I.T) کی کلاسز کے اجراء کو دوسرا سال شروع ہو گیا ہے۔ نئے تعلیمی سیشن کے لئے بی کام پارٹ ون میں داخلے شروع کر دئیے گئے ہیں۔ آئی کام، ڈی کام، ایف اے، ایف ایس سی اور آئی سی ایس پاس طلباء و طالبات بی کام (I.T)میں داخلہ کے اہل ہیں۔ داخلہ میرٹ کی بنیاددیا جائے گا۔داخلہ کے خواہشمند طلباء اور طالبات کالج آفس سے فوری رابطہ کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)مولانااسماعیل محمدی کی پوری زندگی قرآن وسنت کے لئے وقف تھی وہ حدیث نبوی ۖ کواس کی اصل روح کے ساتھ بیان کرنے کااسلوب رکھتے تھے اوراللہ کے رسول ۖ کافرمان پوری انسانیت تک پہنچاناانکی زندگی کامشن تھا۔ان خیالات کااظہارقاری منصور،حافظ محمدرفیق عابدعلوی ،مولانا یونس اختر،مولاناعطاء الرحمن تونسوی،ماہر تعلیم حافظ منیراحمد،ڈاکٹرعطاء الرحمن ذکریا،سیدوجاہت رضا،قاری محمدیامین،مولوی محمداعظم نے انکی وفات پراظہارتعزیت کرتے ہوئے کیا۔انہوںنے کہا کہ مولاناایک باعمل شخص تھے اورنبی کریم ۖ کی حدیث مبارکہ کوبیان کرنے میںوہ اپنا ثانی نہیںرکھتے تھے۔آج کے دورکے اندران جیسے صاحب علم افرادکی اشدضرورت تھی۔جس سے ملک وملت محروم ہوگئی اللہ تبارک وتعالیٰ مرحوم کے خاندان کوصبر جمیل عطاء کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال(جی پی آئی)نکاح میں سادگی سنت رسول ہے ۖ۔غم و خوشی میں شریعت محمدی پر عمل ہمیں قیامت کے دن شفاعت رسول ۖ کا حقدار بنائے گا۔ نکاح میں آسانیاں فحاشی و بے راہ روی کا خاتمہ کریں گی ۔ معاشرتی بگاڑ کا واحد حل شادی و نکاح میں آسانیاں پیدا کرنے سے ہوگا۔ رسول اللہ ۖ نے اپنی شادیاں اور اپنی چار صاحبزادیوں کی شادیاں انتہائی سادگی سے کر کے امت کو درس سادگی دیا ہے ۔شادی کے موقعہ پر فضول خرچیاں ، ڈھول باجے ،مہندی کی فضول رسم اور عورتوں کی بے پردگی مسلمانوں کا منہ چڑاتی ہیں۔ علامہ اقبال نے ہمارے رسم و رواج اور وضع قطع دیکھ کر کہا تھا” یہ مسلمان ہیں جنہیں دیکھ کر شرمائیں یہود”ہندووانہ رسم و رواج ، جہیز کے مطالبات ، مہندی ، ڈھول اور ڈانس کے پروگرام اسلامی فکر کے حاملین کیلئے مسائل پیدا کرتے ہیں ۔اسلام میں قوت سے زیادہ جہیز دینا ، قرض اُٹھا کر غمی و خوشی کی تقریبات منعقد کرنے کا قطعاً کوئی جواز نہیں ہے ۔ان خیالات کا اظہارچیئرمین ادارہ تاجدا ریمن پاکستان و مرکزی ناظم اعلیٰ تحریک اویسیہ پاکستان علامہ پیر محمد تبسم بشیر اویسی نے SSTریٹائرڈماسٹر فضل حسین کے صاحبزادے محمد عمر فاروق کی شادی خانہ آبادی کے موقعہ پر منعقدہ تقریب سے خطاب کرتے ہوئے کیا ۔ انہوںنے کہا امیروں کی شادیوں کی نقل کرنے کے خواہش مند والدین استطاعت و قناعت اپنائیں ۔نکاح مساجد میں کیا جائے ۔ بارات پر افراد کم تعداد میں لائے جائیں ۔جہیز ضروریات زندگی کے مطابق مناسب دیا جائے اور باقی سرمایہ سے یتیم بچیوں کی شادی کر دی جائے تو اللہ و رسول کی خوشنودی حاصل ہو گی ۔ حکومت شادی تقریبات میں ون ڈش کی پابندی کے ساتھ ساتھ جہیز پر پابندی بھی عائد کرے ۔اس موقعہ پر صاحبزادہ پیر محمد ظہور واصف بڈیانوی سجادہ نشین واصفی آستانہ بڈیانہ شریف، چوہدری محمد یعقوب اویسی ایڈووکیٹ، محمد عاصم بشیر اویسی اورحافظ محمد عرفان اسلام اویسی اور علاقہ بھر کی دیگر سماجی و سیاسی شخصیات بھی موجود تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان مسلم لیگ لاہور کے سیکرٹری اطلاعات ناصر رمضان گجر نے کہا ہے کہ ملک میں مہنگائی کی شرح میں گزشتہ سال سے دگنا اضافہ ہوا اور کرنٹ خسارہ ایک اب ڈالر سے تجاوز کرگیا جو حکومتی نااہلی کی بدترین مثال ہے ،دو ماہ میں ملکی برآمدات میں 7فیصد کمی اور غیر ملکی سرمایہ کاری میں128فیصد کمی سے تجارتی خسارہ میں اضافہ ہوا ،اسٹیٹ بنک آف پاکستان کی آئندہ دو ماہ کیلئے مانیٹرنگ پالیسی رپورٹ نے حکومتی کارکردگی کا پول کھول دیا ہے۔ان خیالات کا اظہار انہوںنے مسلم لیگ ہائوس میں کارکنوں سے گفتگو کرتے ہوئے کیا۔ناصر رمضان گجر نے کہا کہ ملک میں شرح سود کم ہونے کے باوجود برآمدات اور دیگر شعبوں میں بہتری نہیں آئی، اجناس اور توانائی کی قیمتوں میں کمی کے باوجود مہنگائی کی شرح میں اضافہ ہوا ہے مالی سال کے ابتدائی دو ماہ میں حکومت نے اسٹیٹ بینک سے 800ارب روپے قرض لیا جبکہ بیرونی قرضہ اس کے علاوہ ہے جبکہ ملکی کرنٹ اکائونٹ خسارہ بھی بڑھا ہے۔انہوںنے کہا کہ عوام بدترین لوڈشیڈنگ اور مہنگائی کے عذاب میں مبتلا ہے جبکہ حکومت سب اچھا کے راگ الاپ رہی ہے۔انہوںنے کہا کہ حکومت عوامی ریلیف کے فوری اقدامات کرے اور اشیائے خوردونوش سمیت بجلی و گیس کی قیمتوں میں کمی کرکے عوام کو ریلیف فراہم کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)عالمی سطح پر ہندوستان تنہا ء ہو چکا ہے ، اسلامی دنیا ہی نہیں بلکہ عالمی دنیا بھی ہندوستانی مظالم پر احتجاج کر رہی ہے ۔ سعودی عرب ، قطر ، بحرین، ترکی اور دیگر اسلامی ممالک پاکستان کو واضح طور پر یقین دلا چکے ہیں کہ کسی بھی جارحیت کی صورت میں ہر ہر لمحہ پاکستان کے ساتھ کھڑے ہوں گے۔ یہ بات پاکستان علماء کونسل کے مرکزی چیئرمین اور وفاق المساجد پاکستان کے صدر حافظ محمد طاہر محمود اشرفی نے اسلام آباد میں غیر ملکی ذرائع ابلاغ سے گفتگو کرتے ہوئے کہی۔ اس موقع پر مولانا عبد الحمید صابری ، مولانا نعمان حاشر ، حافظ محمد امجد ، مولانا محمد ایوب صفدر بھی موجود تھے۔ حافظ محمد طاہر محمود اشرفی نے کہا کہ کشمیریوں کی جدوجہد رنگ لا رہی ہے ۔ ہندوستانی مظالم پر امریکہ بھی منافقانہ مؤقف اختیار کیے ہوئے ہے لیکن پاکستان کے مؤقف کو عالمی سطح پر تسلیم کیا جا رہا ہے ۔ انہوں نے کہا کہ اقوام متحدہ کی جنرل اسمبلی کے اجلاس کے دوران ترکی ، سعودی عرب ، چین کی قیادتوں نے پاکستان کو ہر سطح پر اپنی حمایت کا یقین دلایا ہے ۔ انہوں نے کہا کہ یہ بات درست ہے کہ کشمیریوں پر ہونے والے مظالم کو اسلامی ممالک میں سفارتی سطح پر پیش نہیں کیا گیا جس کیلئے پاکستان کو مزید محنت کرنی چاہیے، لیکن ہندوستان یا کسی اور ملک کو اس غلط فہمی کا شکار نہیں ہونا چاہیے کہ کوئی مسلم ملک ہندوستانی جارحیت پر پاکستان کے خلاف اس کا ساتھ دے گا ۔ ایک سوال کے جواب میں حافظ محمد طاہر محمود اشرفی نے کہا کہ رابطہ عالم اسلامی اور اسلامی سر براہی کانفرنس میں کشمیرڈیسک موجود ہیں رابطہ عالم اسلامی مسلم علماء اور سکالرز کی اس وقت واحد نمائندہ تنظیم ہے جس نے ہمیشہ ہر سطح پر کشمیریوں کیلئے آواز بلند کی ہے۔سعودی عرب ، قطر ، بحرین ، کویت اور دیگر اسلامی ممالک کشمیریوں کی جدوجہد کے تائید کنندہ ہیں ۔ ہندوستان کے مظالم پر مسلم دنیا کیسے خاموش رہ سکتی ہے ۔ انہوں نے کہا کہ پاکستان علماء کونسل کا اعلیٰ سطحی پانچ رکنی وفد کشمیر کی صورتحال پر جلد اسلامی ممالک کا دورہ کرے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی (جی پی آئی)پی ٹی آئی سندھ کے صدر ڈاکٹر عارف علوی،سینئر نائب صدر حلیم عادل شیخ ،مرکزی رہنماعمران اسماعیل کراچی کے صدر فردوس شمیم نقوی اور دیگر رہنمائوں کی قیادت میں سینکڑوں گاڑیوں اور ٹرکوں پرہزاروں لوگوں کا قافلہ رائیونڈ مارچ کے لیے لاہور کی جانب روانہ ہوگیا ۔یہ قافلے بدھ کی صبح اور دوپہر کے اوقات میں انصاف ہائوس سے روانہ ہوئے اس موقع پرکارکنوں اور عہدیداروں کا جوش وخروش عروج پر تھا جنھوں نے چیئرمین عمران خان کی تصاویر اور پارٹی پرچم ہاتھوں میں اٹھارکھے تھے۔قافلے میں خواتین سینکڑوں کی تعداد میں موجود تھی جو حکمرانوں کی کرپشن کے خلاف شدید نعرے بازی کرتی رہی،پارٹی پرچموں سے آراستہ تبدیلی بس کے پیچھے سینکڑوں گاڑیوں کا قافلہ ایک قطار کی صورت میں روانہ ہوا۔ رائیو نڈ مارچ کی جانب روانگی سے قبل پاکستان تحریک انصاف سندھ کے سینئر نائب صدر حلیم عادل شیخ نے میڈیا سے بات چیت کرتے ہوئے کہاہے کہ تبدیلی ایکسپریس اور دیگر بسوں کاقافلہ حکمرانوں کے احتساب کے لیے روانہ ہورہاہے اس وقت ہزاروں لوگ ہمارے ساتھ ہیں کوئی قافلہ ملیر تو کوئی کورنگی سے چلے گا اس طرح سندھ بھر میں جہاں جہاں سے ہم گزریں گئے لوگوں کی تعداد بڑھتی چلی جائے گی ،جبکہ ان قافلوں کے علاوہ بے شمار کارکنان اس وقت اپنی اپنی گاڑیوں اور ٹرینوں میں سوار ہوکر عمران خان کے اشارے پر لاہور رواں دواں ہیں میڈیا گواہ ہے کہ سندھ کی عوام نے چیئرمین عمران خان کے حکم پر لبیک کردیاہے،کیونکہ عوام جان چکی ہے کہ یہ مارچ پاکستان کی سلامتی کا مارچ ہے ،چیئرمین عمران خان چاہتے تو بنی گالہ میں اپنی رہائش گاہ پر سکون کی زندگی گزارسکتے تھیوہ چاہتے تو دنیا کے بڑے بڑے ممالک میں اپنی زندگی کو گزارسکتے ہیں مگر ہمارا لیڈر اپنی عوام کی تکلیفوں کو دیکھ کر اپنے عیش وآرام کی زندگی کو بھول چکاہے اسے صرف یہ ہی فکر ہے کہ کسی طرح سے پاکستان کی عوام کو ایک خوشحال اور کرپشن سے پاک ملک دیا جائے،وہ ملک اور قوم کے لوٹے ہوئے پیسے کو پاکستان میں واپس لانا چاہتے ہیں۔ انہوں نے کہاکہ ہم انصاف ہائوس سے نکل کر ملیر کورنگی اور کراچی کی تمام اضلاع کی عوام کو ساتھ لیکر جارہے ہیں جو حیدرآباد،نوشہروفیروزخیرپور سکھر سے کچھ دیر قیام کے بعد سکھر بائی پاس سے رائیونڈ کی جانب روانہ ہونگے انہوں نے کہاکہ اس دوران اگر سندھ پنجاب کے باڈر پر موجود پولیس نے کارکنوں پر کوئی سختی کی تو یہ اچھا نہ ہوگا اس سے پہلے بھی کمہوں شہید پر کارکنوں پر تشددکے واقعات رونما ہوتے رہے ہیں انہوں نے کہا ہم ہر حال میں رائیونڈ پہنچیں گے چیئرمین عمران خان اس وقت پاکستان کی بقاء اور سلامتی کی جنگ لڑ رہے ہیں ،انہوں نے کہا کہ ہم رائیونڈ اس لیے جارہے ہیں کہ وہاں پر پانامہ کے چوروں نے عوام کی جیبوں پر ڈاکہ ڈال کر محل بنارکھیں ہیں ہم اس قوم کو یہ بتانا چاہتے ہیں کہ پنجابی سرائیکی، پختون سمیت تمام قومیت والے ہمارے بھائی ہیں اور ہماری تحریک کا حصہ ہیں،کیونکہ سب جان چکیں ہیں کہ وزیراعظم اوران کاخاندان بدنام زمانہ خاندان ہیں جنھوں نے تاریخ کی سب سے بڑی کرپشن کرکے اس ملک کانام بھی بدنام کیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پاک فوج کے زیر انتظام معاشرے میں شدت پسندی کے رجحا نات اور میلانات کے خاتمے کیلئے مالاکنڈڈویژن کے 62 نوجوانو ں کی مشال کیر سنٹرپیتھام، سوات میں تربیت کامیابی سے مکمل ۔جنرل آفیسر کمانڈنگ مالاکنڈ آرمی ڈویژن میجر جنرل آصف غفور نے تقریب سے خطاب کرتے ہوئے کہا کہ اسلام امن وسلامتی کا مذہب ہے جس میں دہشت گردی کی کوئی گنجائش نہیں ۔تقریب پیتھام،سوات میں مالاکنڈ ڈویژن کے مختلف علاقوں سے تعلق رکھنے والے نوجوانوں کی پیشہ وارانہ تربیت کے حوالے سے منعقد کی گئی تھی جس میں 62نوجوانوں نے تربیت حاصل کی ۔اس تقریب کے مہمان خصوصی جنرل آفیسر کمانڈنگ مالاکنڈآرمی ڈویژن میجر جنرل آصف غفور تھے۔ ان کے علاوہ ڈی آئی جی مالاکنڈ ڈویژن اختر حیات ، ڈی پی سوات سیلم مروت، بریگیڈز کمانڈرز ،سول اور فوجی افسران کے ساتھ ساتھ عوام کی بڑی تعداد نے شرکت کی ۔ اس تقریب کا مقصد پاک فوج کے زیر انتظام مشال کیر سنٹر کی پیشہ وارانہ تربیت کی مثبت کاروائیوں کو اجاگر کرنا تھا۔مشال کیر سنٹر نے مالاکنڈ ڈویژن کے نوجوانوں کی پیشہ وارانہ تربیت میں کلیدی کردار ادا کیا ہے ۔ تقریب کے دوران نوجوانوں نے حب الوطنی سے سرشار تقاریرکیں،ملی نغمے اور خاکے بھی پیش کئے ۔ تقریب کے آخر میں میجر جنرل آصف غفور نے پیشہ وارانہ تربیت میں اعلی کارگردگی کامظاہرہ کرنے والے نوجوانوں میں انعامات تقسیم کئے۔مشال کیر سنٹر پاک فوج کے زیر انتظام ایک ایسا ادارہ ہے جس میں بے ہنراوربے روزگارمالاکنڈڈویژن کے نوجوانو ں کو پیشہ وار نہ تربیت دیکر انکو ہنر مندبنایا جاتا ہے۔ اس سنٹر میں کارپینٹر ، کھڈی ، سلائی ،زراعت ، الیکٹرک اور ویلڈنگ کا ہنرسکھایا جاتا ہے ۔ مقامی لوگوں نے پاک فوج کی اس خصوصی کاوش کو خوب سراہا اورپاک فوج اور میجر جنرل آصف غفور کا شکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)تفصیلات کے مطابق جی او سی مالا کنڈ آرمی ڈویژن میجر جنرل آصف غفور کی ہدایت پر پاک فوج،چترال سکائوٹس اور ڈسٹرکٹ ہیڈ کوارٹرزہسپتال کے زیر اہتما م چترال میںدو روزہ فری میڈیکل کیمپ کاانعقاد کیا گیا۔7 ڈاکٹرز پر مشتمل ٹیم نے خصوصی طور پر اپنی خدمات سرانجام دیں جن کا تعلق پاک آرمی اور سول سے تھا۔ پاک فوج کی یہ کاوش چترال کی عوام کی خدمات کا تسلسل ہے ۔ دوروزہ کیمپ کے آج پہلے دن کے دوران 123خواتین کا معائنہ کیاگیا جن میں اوبس(حاملہ خواتین) 57 اور گائنی کی 66 مریض تھیں۔ 29خواتین کامختلف امراض کی تشخیص کے لئے الٹراسائونڈ کیا گیا جب کہ 83 لیبارٹری ٹیسٹ کیئے گئے۔ کیمپ میںصبح نو سے شام تین بجے تک معائنہ اور ادویات کی فراہمی جاری رہی اسکے ساتھ ساتھ ا نچارج سکائوٹس ہسپتال چترال میجر رضوان احمد اور چترال سکائوٹس کے میجر شاہ میرنے بھی ہسپتال کا دورہ کیا۔ اہلیان علاقہ کے علاوہ اردگرد کے تمام گائوں کے لوگوں نے بھی اس فری میڈیکل کیمپ سے بھر پور استفادہ حاصل کیا ۔ اہلیان علاقہ نے طبی کیمپ کے انعقاد پر پاک فوج کا شکریہ ادا کیا اور ایسی سرگرمیوں کو عوام کی فلاح وبہبود کیلئے انتہائی فائدہ مند قرار دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)چیئرمین ڈیڈیک سوات فضل حکیم خان نے کہا ہے کہ موجودہ حکومت تعلیمی اداروں میں تمام جدید سہولیات کی فراہمی اپنے لئے ایک سعادت سمجھتی ہے تاکہ ہماری نئی نسل جدید دنیا کے ساتھ قدم ملا کر ترقی کا سفر آسانی سے کر سکے اور وطن عزیز کا نام دنیا میں ایک عظیم ملک کے طور پر روشن ہو سکے۔وہ بدھ کے روز گورنمنٹ ڈگری کالج مینگورہ میں سوات بورڈ میں 2016امتحان میں ٹاپ 20 میں سے ٹا پ 14پوزیشن حاصل کرنے والے کالج ھذا کے طلباء میں نقد انعامات تقسیم کرنے کیلئے منعقدہ تقر یب سے خطاب کر رہے تھے۔ اس مو قع پر پر نسپل ریاض احمد ، پروفیسر راحت گل،تحصیل کونسلرشاہدعلی، ظفر خان،اساتذہ ، طلبہ اور پی ٹی آئی ورکرز کی بڑی تعداد موجود تھی۔فضل حکیم خان نے طلبہ کو شاباش دیتے ہوئے انھیں ہدایت کی کہ وہ ہر جگہ اسی طرح اعلیٰ کارکردگی دکھا کر اپنے والدین ، اپنے اداروں اور ملک کا نام روشن کرتے رہیں۔انھوں نے اعلان کیا کہ کالج کی نئی عمارت دسمبر 2016 تک مکمل ہو جائے گی اور نئی عمارت کے سا تھ ہی طلباء کیلئے ٹرانسپورٹ کا بھی انتظام کر دیا جائے گا۔ اسی طرح فضل حکیم خان نے اساتذہ کی کمی پوری کرنے اور دیگر تمام مسائل حال کرنے کیلئے اعلیٰ حکام سے رابطہ کرکے ترجیحی بنیادوں پر حل کرنے کا اعلان کیا۔بعد ازاں انھوںنے طلباء میں نقد انعامات تقسیم کئے۔پرنسپل نے کالج میں سیکنڈ شفٹ شروع کرنے اور دیگر مسائل کے حل میں دلچسپی لینے پر فضل حکیم خان کا شکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)سلسلہ سہروردیہ کے روحانی پیشوا سجادہ نشین سید لعل بادشاہ بخاری المعروف لعل بادشاہ نے گذشتہ روزاپنے دورہ بھمبرکے دوران مریدین اور صحافیوں سے گفتگو کرتے ہوئے کہاکہ برصغیر سمیت میں اسلام اولیاء کرام کے ذریعے پھیلا اسلام مکمل ضابطہ اخلاق ہے جو ہمیں محبت ،امن اور رواداری اور بھائی چارے کا درس دیتا ہے ہم کو دین کے بتائے ہوئے راستوں پر عمل کرکے دنیا اور آخرت کو سنوارنا ہے انہوںنے کہاکہ روحانیت سے ہر قسم کی بیماریوں کا علاج ممکن ہے کچھ لوگ اپنی ذاتی تسکین کی خاطر اپنے مسلمان بہن بھائیوں کو مختلف مسائل میں الجھاتے ہیں وہ کبھی سکون نہیں پاتے انہوںنے کہاکہ اس وقت ملک پاکستان اندرونی اور بیرونی دہشتگردی کیساتھ ساتھ مسائل میں الجھا ہو اہے مسلح افواج پاکستان خواہ باڈر ہوں یا شہریوںکی حفاظت ہر محاذ پر نبردآزماہے انہوںنے کہاکہ مکار بھارت معصوم اور بے گناہ کشمیریوں پر ظلم کے پہاڑ توڑ رہا ہے جسکی بھرپور مذمت کرتے ہیں اور اقوام متحدہ سے مطالبہ کرتے ہیںکہ مسلہ کشمیر کو اقوام متحدہ کی قررادادوں کیمطابق حل کروایا جائے انہوںنے کہاکہ ضلع جہلم اور دینہ کے گردونواح اس وقت جرائم پیشہ افراد کا گڑھ بن چکے ہیں بگڑے امیر زادوںنے لوگوں کو تنگ کرنا وطیرہ بنایا ہو اہے جس سے پولیس کے ذمہ داران کی بار بار توجہ دلانے کے باوجود چشم پوشی سے کام لیا جارہاہے انہوںنے پولیس کے اعلیٰ حکام سے مطالبہ کرتے ہیں کہ جہلم اور دینہ کے گردونواح میں جرائم پیشہ افراد کیخلاف کارروائی کی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)آج بعد از نماز عشاء جماعت اہلسنت جلالیہ رضویہ کے زیر اہتمام حضرت ابو بکر صدیق اور حضرت عمرفاروق کی یاد میں شہادتیں کانفرنس جامع مسجد جلالیہ نزد پرانی کچہری میں منعقد ہو گی جس سے محمد نوید الحسن مشہدی بھکی شریف مفکر اسلام پروفیسر ڈاکٹر محمد اشفاق جلالی خطیب اعظم کھاریاں اور مولانا غلام رسول جلالی خطیب جامع مسجد جلالیہ بھمبرخصوصی خطاب فرمائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)اکاؤنٹنٹ جنرل آزاد ریاست جموںوکشمیر وکشمیر کونسل محمد ایاز خان نے کہاہے کہ آزاد خطہ کے پنشنر ز کو پنشن کی ادائیگی بذریعہ کمپیوٹر DCSاور ملازمین کو جی پی فنڈز کے کھاتہ جات کی بذریعہ کمپیوٹر ترجیحی بنیادوں پرمکمل کرنے اور پنشنرز کو پنشن اور جملہ ملازمین کو جی پی فنڈ کی ادائیگی چیک کی بجائے براہ راست بذریعہ کمپیوٹر تنخواہوں کی طرزپر عمل میں لائی جائیں گی اور اس سلسلہ میں کوئی کوتاہی ہر گز برداشت نہیں کی جائیگی جبکہ تمام ضلعی دفاتر حسابات کو اس سلسلے میں دستیاب تمام ممکنہ سہولتیں فراہم کی جائیںگی ایڈہاک کنٹریکٹ جریدہ غیر جریدہ آفیسران و ملازمین کی تنخواہوں کی ادائیگی بمطابق APPMبذریعہ کمپیوٹر ملازمین کے ذاتی بینک اکاؤنٹس کے ذریعے کرنے اور اس پر عملدرآمد کو بہر صورت یقینی بنایا جائے تاکہ انہیں بروقت اور آسان طریقے سے تنخواہ کی ادائیگی کو شفاف طریقے سے یقینی ہو سکے ان خیالات کااظہار انہوںنے ضلعی آفیسران حسابات کی ضلعی دفتر حسابات میں منعقدہ میٹنگ کی صدارت کرتے ہوئے کیا اکاؤنٹنٹ جنرل کی ہدایت پر بھمبرمیں جی پی فنڈز کے کھاتہ جات کی تکمیل ہنگامی بنیادوں پر کی جارہی ہے جبکہ پنشن اور جی پی فنڈ کی ادائیگی کا بذریعہ کمپیوٹرآغاز بھی کیا جاچکا ہے اور ملازمین کی آسانی کیلئے چیک لسٹ بھی روزانہ کی بنیاد پر نوٹس بورڈ پر آویزاں کی جارہی ہے جس سے ملازمین کو ضلعی دفتر حسابات کے عملے سے رجوع کیے بغیر متعلقہ معلومات دستیاب ہو جاتی ہیں اکاؤنٹنٹ جنرل آزادکشمیر ایاز خان نے ضلعی افسران حسابات سے خطاب کرتے ہوئے کہاکہ آزادکشمیر بھر کے جملہ دفاتر حسابات سے خلاف قانون اقدامات اوربے ضابطگیوں کی شکایات کا مکمل خاتمہ کرکے تمام امور شفاف طریقے سے نمٹانے کیلے ہرممکن اقدامات اٹھائے جارہے ہیں انہوںنے ہدایت کی کہ وہ تمام امور شفاف بنیادوں پر اور قانون اور ضابطے کیمطابق انجام دینے کی پالیسی پر عمل پیرا ہوں اور اس سلسلے میں کوئی کوتاہی برداشت نہیں کی جائیگی۔
مفتی عبدالسبحان قادری کا آٹھواں عرس یکم اکتوبر کو منایا جائیگا
گجرات کی خبروں کی تصویری جھلکیاں
