نیویارک (جیوڈیسک) ہوسکتا ہے آپ یقین نہ کریں مگر سائنس نے تصدیق کردی ہے کہ بولنے سے بھی قاصر ننھے فرشتے صرف سات ماہ کی عمر سے ہی شعوری طور پر کسی دوسرے فرد کی آنکھوں میں موجود خوف شناخت کرنے کی حیرت انگیز صلاحیت رکھتے ہیں۔
جرمنی میں ہونے والی ایک تحقیق میں یہ ناقابل یقین دعویٰ سامنے آیا ہے۔ میکس پلانک انسٹیٹوٹ کی تحقیق کے مطابق سات ماہ کی عمر سے ہی بچے کسی بھی فرد کی آنکھوں کی سفیدی کو دیکھ کر اس کے جذبات کو سیکنڈوں میں بھانپ لیتے ہیں۔
محققین کا کہنا ہے کہ آنکھوں میں خوشی کے مقابلے میں وہ خوف کو محسوس کر کے فوری ردعمل ظاہر کرتے ہیں۔ اس مقصد کے لیے بچوں کو الیکٹروڈ والی کیپس پہنا کر تجربے کیے گئے اور انہیں صرف آنکھوں کی تصاویر دکھائی گئیں جس میں مختلف جذبات کی عکاسی نظر آرہی تھی۔ اس تجربے کے بعد یہ بات سامنے آئی کہ آنکھوں میں خوشی کے مقابلے میں خوف کو دیکھ کر بچوں کے دماغی تحرک میں واضح تبدیلی دیکھنے میں آئی۔
واضح رہے کہ آنکھوں کو روح کی کھڑکی سمجھا جاتا ہے اور یہ سماجی رابطوں کے لیے اہم کردار بھی ادا کرتی ہیں۔ تاہم یہ پہلی بار ہے کہ یہ بات سامنے آئی ہے کہ ننھے بچے بھی بالغوں کی جذبات آنکھوں کے ذریعے بھانپنے کے اہل ہوتے ہیں اور یہ چیز مستقبل میں ان کی سماجی تعلقات بڑھانے کی صلاحیت پر اثرانداز بھی ہوتی ہے۔
ترک صدر کا استبول کے دورے کے دوران سگریٹ پینے والے شخص پر جرمانے کا حکم
امریکی صدارتی محل سے مشابہ عراقی شہری کا گھر
