کراچی (جیوڈیسک) پاکستان تحریک انصاف کے ڈپٹی چیرمین شاہ محمود قریشی کی آج مسلم لیگ نواز کے اہم ناراض رہنماؤں سے ملاقاتیں متوقع ہیں۔ تحریک انصاف کے ڈپٹی چیرمین شاہ محمود قریشی آج پاکستان مسلم لیگ ن سندھ کے ناراض رہنماؤں سے ملاقات کریں گے۔ ذرائع کا کہنا ہے۔
کہ شاہ محمود قریشی نے گزشتہ روز ن لیگ کے اہم ناراض رہنماؤں سے ٹیلی فون پر رابطہ کیا اور آج غوث علی شاہ، ممتاز بھٹو سے ملاقات کریں گے اور پھر اس کے بعد شام میں اہم پریس کانفرنس کریں گے۔ اس کے علاوہ سابق وزیراعلیٰ سندھ لیاقت علی جتوئی بھی آج لندن سے کراچی پہنچ رہے ہیں اور ان کی بھی شاہ محمود قریشی سے ملاقات متوقع ہے۔
واضح رہے کہ غوث علی شاہ گزشتہ کئی ماہ سے عملی سیاست سے دور ہیں جب کہ ممتاز بھٹو بھی بارہا مسلم لیگ ن اور وزیراعظم نواز شریف کی پالیسیوں پر اپنے تحفظات کا اظہار کر چکے ہیں۔اس کے علاوہ لیاقت علی جتوئی نے بھی وزیراعظم نواز شریف سے مستعفیٰ ہونے کا مطالبہ کیا ہے۔
وزیر اعظم نواز شریف کی زیر صدارت اعلی سطح کا مشاورتی اجلاس شروع
پاکستان عوامی تحریک کا دھرنا جاری، طاہر القادری آج دوپہر تین بجے خطاب کرینگے
