کراچی : اُسامہ اسپورٹس فٹ بال کلب شاہ فیصل ٹائون کی جانب سے انڈر 16فٹ بال چمپئن شب کی فاتح کراچی انڈر16 فٹ بال ٹیم کے اعزاز میں تقریب کا اہتمام کیا گیا۔جس میں انڈر 16 کراچی فٹ بال ٹیم کے تمام کھلاریوں اور کوچز کے علاوہ اسپورٹس سے تعلق رکھنے والی شخصیات نے شرکت کی۔
تقریب سے خطاب کرتے ہوئے اُسامہ اسپورٹس کے چیئر مین حاجی محمد الیاس اعوان نے کہاکہ اُسامہ اسپورٹس کو یہ اعزاز حاصل ہے کہ انڈر 16 کی ٹیم میں ہماری ٹیم اُسامہ اسپورٹس کے ہونہار کھلاڑی شہباز بلوچ نے نمائندگی کی یہ ہمارے لئے بڑے فخر اور اعزاز کی بات ہے اس سے قبل اُسامہ اسپورٹس کو یہ اعزاز حاصل رہا ہے کہ ہمارے گول کیپر اسد ملک بھی پاکستان انڈر 14 کی جانب سے ایران میں کھیلے گئے۔
فٹ بال ٹورنامنٹ میں پاکستان کی نمائندگی کرچکے ہیںانہوں نے کہاکہ ایسے کھلاڑی نہ صرف اپنے کلب بلکہ شہر اور ملک کانام بھی روشن کرتے ہیں حاجی الیاس اعوان نے کہا کہ پاکستان میں ہر شعبے میں ٹیلنٹ موجود ہے بس ضرورت ہے اُن کی سرپرستی اور تعاون کی۔ اُسامہ اسپورٹس کے زیر اہتمام انڈر 16کراچی فٹ بال کے کھلاڑیوں کے اعزاز میں منعقدہ تقریب میں انڈر 16 فٹ بال ٹیم کے کوچ محمد جاوید کو اعزازی شیلڈ اور تمام کھلاڑیوں میں کیش پرائز بھی تقسیم کئے گئے۔
تقریب میں انڈر 16کے چیف سلیکٹر ناصر اسماعیل، کوچ محمد جاوید ،اسسٹنٹ کوچ (نیشنل بنک)ذاہد تاج،سوئی سدرن گیس کے کوچ نواب کریم الدین ،کے آر ایل کے کوچ طارق لطفی،چیئر مین ڈسٹرکٹ ملیر فتح محمد بلوچ، سیکریٹری ایسٹ عبید اللہ ،سیکریٹری سائوتھ مراد بخش بلوچ،رحیم محمڈن کے روح رواں پرویز قاسو، اسسٹنٹ کوچ حبیب بنک طارق۔
سیکریٹری خیبر مسلم اظہر محمود،کپتان پاکستان نیوی محمد رمضان،انٹرنیشنل فٹ بال کھلاڑی شمیم ،سلیم پٹنی ،اصغر بلوچ،اُسامہ اسپورٹس کے تمام آفیشلز کھلاڑیوں کے علاوہ دیگر فٹ بال سے وابستہ اہم شخصیات نے بھی شرکت کی تقریب کے اختتام پرمہمانوں کے اعزاز میں پر تکلف عشائیے کا بھی اہتمام کیا گیا تھا۔
پابندی کے باوجود مچھلیوں، جھینگوں کا شکار جاری
ماضی کی تلخیوں کے باوجود اپوزیشن کو تنگ نہیں کیا ، وزیراعلی سندھ
