لاہور (جیوڈیسک) وزیر اعلیٰ پنجاب شہباز شریف نے صوبائی دارالحکومت کی کسی اہم سڑک کو عبدالستار ایدھی کے نام سے منسوب کرنیکا اعلان کر دیا ۔ کہتے ہیں کہ عبدالستار ایدھی نے مجھے غریب آدمی کے ساتھ کھڑا ہونا اور مدد کرنا سکھایا ہے۔
پنجاب کے وزیر اعلیٰ شہباز شریف نے صوبائی دارالحکومت کی کسی اہم سڑک کو عبدالستار ایدھی کے نام سے منسوب کرنیکا اعلان کیا اور کہا کہ میں نے اپنی زندگی میں ہمیشہ عبدالستار ایدھی کی شخصیت اور ان کے کاموں سے انسپائریشن حاصل کی ہے ۔ ایدھی کو ایدھی بنانے میں ان کا خلوص ، نیک نیتی ، انسانیت سے محبت ، تشہیر سے مکمل بے نیازی اور سب سے بڑھ کر ان کی کئی عشروں پر محیط محنت شامل ہے۔
انہوں نے کہا عبدالستار ایدھی پاکستان میں تبدیلی کے حقیقی علمبردار ہیں ۔ عبدالستار ایدھی کی زندگی اور موت دونوں میں ہمارے پیغام موجود ہے ۔ عبدالستار ایدھی پوری قوم کے ہیرو ہیں ۔ ہم تبدیلی کی بات کرتے ہیں ، تبدیلی تقریروں سے نہیں آتی۔
اس کیلئے مٹی کے ساتھ مٹی ہونا پڑتا ہے ۔ عبدالستار ایدھی نے یہ کام کرکے دکھایا ہے ۔ عبدالستار ایدھی ایسی شخصیت ہیں جن سے میں نے وقت کی قدر کرنا سیکھا ہے۔
ٹوئٹر پر سلام ایدھی کا ہیش ٹیگ ٹاپ ٹرینڈ بن گیا
عبدالستار بہت عظیم انسان تھے خدمت کو فراموش نہیں کیا جاسکتا: پیر شبیر احمد صدیقی
