لاہور (جیوڈیسک) مسلم لیگ (ن) کے صدر شہباز شریف اور حمزہ شہباز سمیت دیگر رہنماؤں پر دہشت گردی اور اقدام قتل کی دفعات کے تحت مقدمات درج کرلیے گئے۔
گزشتہ روز سابق وزیراعظم نواز شریف اور مریم نواز کی وطن واپسی کے موقع پر مسلم لیگ (ن) کے صدر شہباز شریف اور پارٹی کے دیگر رہنماؤں نے لاہور سمیت مختلف شہروں میں ریلیاں نکالیں۔
جیو نیوز کے مطابق پولیس نے مسلم لیگ (ن) کے صدر شہباز شریف سمیت دیگر رہنماؤں کے خلاف مختلف تھانوں میں مقدمات درج کر لیے ہیں۔
پولیس نے حمزہ شہباز، جاوید ہاشمی، عظمیٰ بخاری، سائرہ افضل تارڑ، مریم اورنگزیب، کامران مائیکل، میئر لاہور مبشر جاوید، راجہ ظفر الحق اور مشاہد حسین سید کے خلاف مقدمات درج کیے ہیں۔
اس کے علاوہ مقدمات میں مختلف یونین کونسلوں کے چیئرمینوں کو بھی نامزد کیا گیا ہے۔
(ن) لیگی رہنماؤں کے خلاف مقدمات تھانہ سٹی، کینٹ، اقبال ٹاؤن سمیت دیگر تھانوں میں ایس ایچ اوز کی مدعیت میں درج کیے گئے ہیں جن میں دہشت گردی، اقدام قتل، توڑ پھوڑ، ہنگامہ آرائی اور کار سرکار میں مداخلت سمیت دیگر دفعات شامل ہیں۔
ایف آئی آر کے متن میں کہا گیا ہے کہ مسلم مسجد لوہاری میں مظاہرین نے شہباز شریف اور دیگر رہنماؤں کے ہمراہ ہنگامہ آرائی اور توڑ پھوڑ کی۔
سانحہ مستونگ میں شہدا کی تدفین، بلوچستان میں سوگ
اسرائیلی فوج کا غزہ پر 2014ء کے بعد سب سے بڑا حملہ، 200 زخمی
