لاہور (جیوڈیسک) پاکستان کرکٹ بورڈ کے سابق چیئرمین اعجاز بٹ ایک بار پھرآفریدی پر برس پڑے کہتے ہیں کہ شاہد آفریدی کی عمر گھر میں بچے کھلانے کی ہے۔ ٹیم میں ان کی جگہ نہیں بنتی مصباح الحق شریف کپتان ہیں۔
یونس خان، محمد یوسف، شعیب ملک اور خاص طور پر شاہد خان آفریدی جیسے سنیئر کرکٹرز کی ایک بھی نہ سننے والے سابق چیئرمین پاکستان کرکٹ بورڈ اعجاز بٹ نے اپنی توپوں کا رخ ایک بار پھر بوم بوم کی طرف کر دیا۔
قذافی اسٹیڈیم لاہور میں انہوں نے چیئرمین پی سی بی شہریار خان سے ملاقات کی اور میڈیا سے گفتگو میں کہا کہ آفریدی کی اب ٹیم میں کوئی جگہ نہیں بنتی۔ بورڈ کی جانب سے مصباح الحق کو کپتان بنانے کے اعلان کے باوجود قیادت بارے بوم بوم کے بیان کو اعجاز بٹ نے آڑے ہاتھوں لیا۔
ان کا کہنا ہے کہ یہی حرکت کوئی اور کرتا تو اسے سمندر میں پھینک دیاجاتا۔ سابق پی سی بی چیئرمین نے کہا کہ مصباح الحق کو دو ہزار پندرہ تک کپتان بنانا خوش آئند ہے۔ انہوں نے واضح کیا کہ ان کے دور میں پلیئرز پاور تھی جو انہوں نے ختم کی۔
سانحہ ملتان، تحقیقاتی کمیٹی کی رپورٹ پنجاب حکومت کو موصول
آسیہ بی بی کی سزائے موت کیخلاف دائر اپیل خارج
