ممبئی (جیوڈیسک) بالی ووڈ کے کنگ شاہ رخ خان اور چاکلیٹی ہیرو رنبیر کپور پہلی بار ایک ساتھ فلم میں جلوہ گر ہوں گے۔
بالی ووڈ اداکار رنبیر کپور اپنی جاندار اداکاری کے باعث فلم انڈسٹری میں جگہ بناچکے ہیں جب کہ اپنے فلمی کیرئیر میں اب تک متعدد فلموں میں اداکاری کے جوہر دکھائے ہیں اور ساتھ ساتھ بالی ووڈ کے حکمران خانز سلمان خان اور عامر خان کے ساتھ مختصر کردار میں بھی ایکشن میں نظر آچکے ہیں تاہم اب وہ انڈسٹری کے کنگ شاہ رخ خان کے ساتھ فلم میں مرکزی کردار ادا کریں گے۔
میڈیا رپورٹس کے مطابق یش راج فلمز اپنی نئی آنے والی فلم میں شاہ رخ خان اور رنبیر کپور کو کاسٹ کرنے کی منصوبہ بندی کررہے ہیں جس کے لیے دونوں اداکاروں نے آمادگی کا اظہار بھی کیا ہے جب کہ فلم کے اسکرپٹ کی تیاری بھی کی جارہی ہے اور فلم کی ہدایتکاری کے فرائض شمت امین سرانجام دیں گے تاہم فلم کی حتمی کاسٹ اور شوٹنگ کی تاریخوں کا اعلان بعد میں کیا جائے گا۔
خوابوں اور خوشبوؤں کی شاعرہ پروین شاکر کو بچھڑے 21 برس بیت گئے
سلمان خان نے اپنی شادی کو نیشنل نیوز قرار دے دیا
