ملتان (جیوڈیسک) ن لیگ کے مقامی رہنماء بلال بٹ نے شیخ رشید کو لوٹا سیاستدان قرار دیتے ہوئے کہا کہ عوامی مسلم لیگ کے سربراہ شریف برادران کے خلاف نازیبا اور گھٹیا زبان استعمال نہ کریں، احتجاج سب کا حق ہے، میاں صاحب اشارہ کریں تو عمران اور شیخ رشید ملتان میں نظر نہیں آئیں گے۔
مسلم لیگ ن کے مقامی رہنماء بلال بٹ نے کہا کہ قوانین سب پر لاگو ہوتے ہیں، شیخ رشید نے سیاست کو گندا کیا، وہ شریف برادران صاحب کیخلاف نازیبا الفاظ استعمال نہ کریں، احتجاج سب کا حق ہے، ہم پُرامن لوگ ہیں، مظاہرین کو مشکل سے کنٹرول کیا ہوا ہے، میاں صاحب اشارہ کریں تو عمران خان اور شیخ رشید ملتان میں نظر نہیں آئیں گے۔
ان کا کہنا ہے کہ شیخ رشید بی گریڈ کا لوٹا سیاستدان ہے، انہیں ملتان میں کوئی نہیں جانتا، شیخ رشید کو کارکنوں کا غصہ برداشت کرنا چاہئے، غلط بیانی سے مزید اشتعال پھیلے گا۔
انتخابات کب ہوں اس کا فیصلہ پیپلز پارٹی کرے گی: آصف زرداری
سندھ کی تقسیم کا جو سوچےگا اسے موئن جودڑو بنا دینگے، آغا سراج
