کراچی (جیوڈیسک) اداکار و ہدایتکار شمعون عباسی نے کہا مصرفیت کی بنا پر اپنی فلم ’’گدھ‘‘ کی عکس بندی شروع نہیں کرسکا۔ کاسٹ کی تبدیلی کی وجہ سے بھی اس میں تاخیر ہوئی ہے لیکن آئندہ ماہ فلم کی شوٹنگ کا شیڈول تیار کر لیا ہے جب کہ اس فلم کے سلسلے تفصیلات جلد عوام تک پہنچاؤں گا۔
انھوں نے کہا کہ معیاری فلموں نے عوام کو سنیماؤں کی طرف آنے پر مجبور کردیا ہے اور ان دنوں اچھے موضوعات پر فلمیں بن رہی ہیں جو مستقبل میں فلم انڈسٹری کی ترقی میں اہم کردار ادا کریں گی، میری کوشش ہے کہ ایسی فلموں میں کردار ادا کروں جو عوام کی توقعات پر اتریں اب تک جو بھی فلمیں کی ہیں ان میں میرے کرداروں کو پسند کیا گیا۔
انھوں نے کہا کہ میں ان دنوں اداکارہ ہدایت کارہ زیبا بختیار کی فلم آپریشن 021 کی شوٹنگ میں مصروف ہیں جس کی فلم بندی ان دنوں کراچی میں کی جارہی ہے جب کہ چند ڈرامہ سیریل بھی ان دنوں تکمیل کے مراحل میں ہیں ۔
ہنڈرڈ انڈیکس 116 پوائنٹس اضافے سے 28528 پر بند
کسی فلم میں آئٹم سانگ کرنے کا کوئی ارادہ نہیں، ایشا گپتا
