شیخوپورہ (دانیال منصور سے) ڈی سی او ارقم طارق کی خصوصی ہدایت پر عید کے موقع پر عوام کو سفری سہولیات میں درپیش مشکالات کے خاتمے کے لئے سیکرٹری آر ٹی اے ملک طاہر نے ضلع بھر میں اوور چارجنگ ،اوور لوڈنگ ،ایل پی جی سیلنڈر اور نامکمل کاغذات والی گاڑیوں کے خلاف کاروائی کرتے ہوئے 88گاڑیوں کے چالان کرکے مجموعی طور پر 67000روپے کے جرمانے کئے۔عید الضحیٰ کے موقع پر اوورچارجنگ کرنے والی گاڑیوں کے خلاف کاروائی کرنے کے لئے خصوصی طور پر 2ٹیمیں تشکیل دے دی گئی ہیںعلاوہ ازیں سیکرٹری آر ٹی اے نے عہدہ سنبھالتے ہی وہیکل انسپیکشن اینڈ سرٹیفکیشن سسٹم کالاشاہ کاکو کا دورہ کیااس موقع پر انہوں نے کہا کہ وِکس کا قیام گاڑیوں کی کمپیوٹرائزڈ چیکنگ کے حوالے سے وزیر اعلیٰ پنجاب میاں شہباز شریف کا اہم سنگ بنیاد ہے جہاں روزانہ کی بنیاد پر چیک ہونے والی 21گاڑیوں کی تعداد کو اب بڑھا کر 73 کر دیا گیا ہے اور مزید بہتری کے لئے کوشش جارہی ہے ۔ ڈی سی او ارقم طارق نے گاڑیوں کی باقاعدہ چیکنگ پر انتظامیہ کو خوب سراہا ان کا کہنا تھا کہ عوام کی حفاظت اور سہولت کو ہمیشہ ترجیح دی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شیخوپورہ( بیورورپورٹ) عید الضحٰی پر سیکورٹی کے فول پروف انتظامات کئے جائیں گے ڈی سی او ارقم طارق خود نگرانی کریں گے۔ ضلع بھر کی اسسٹنٹ کمشنرز کو تحصیلوں میں عید گاہوں اورمساجد کی سیکورٹی کو یقینی بنانے اور جانوروں کی خرید و فروخت کے مراکز کے علاوہ شہر میں صفائی کے نظام کو برقرار رکھنے کے لئے عملہ تعینات کرنے کی ہدایات جاری کر دی گئیں ۔قربانی کے جانوروں کی آلائشوں کو ہر گز سرعام نہ پھینکا جائے اور تمام داخلی اور خارجی راستوں پر کانگو سپرے یقینی بنایا جائے ۔ امن عامہ کی صوتحال میں کسی قسم کی لاپرواہی ہر گز برداشت نہیں کی جائے گا ان خیالات کا اظہا رڈی سی او ارقم طارق نے عید الاضحی کے انتظامات کے حوالے سے اعلیٰ سطح کے اجلاس کی صدارت کرتے ہوئے کیا۔انہوں نے مزید بتایا کہ عید الاضحی کے موقع پر شہر کو صاف ستھر ا رکھنے کے لئے پہلے سے ہی ٹی ایم اوز کی ڈیوٹیاں لگا دی گئی ہیں جن کو جاری رکھا جائے گا جب کہ ہسپتال بھی کھلے رہیں گے ۔جانوروں کی خریدوفروخت کے مراکز پرپینے کا صاف پانی،ٹینٹ اور دیگر سہولیات فراہم کی گئی ہیں جن کی موثر مانیٹرنگ رپورٹ کا روزانہ کی بنیاد پر جائزہ لیا جاتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اپنی جانوں پر کھیل کر ملک کو بجلی سے روشن کرنے والے واپڈہ ملازمین پوری ہمدردی اور تمام مراعات کے مستحق ہیں ۔خورشید احمد شیخوپورہ (دانیال منصور سے )آل پاکستان واپڈا ہائیڈرو الیکٹرک ورکرز یونین(سی بی اے )کے مرکزی جنرل سیکریٹر ی خو رشید احمد اور ڈویژنل چئیر مین تحصیل مریدکے ملک محمد لطیف نے بجلی کی درستگی کے دوران حادثاتی موت کا شکار ہونے والے لیسکو لائن مین حامد رضا بٹر کی والدہ کو سوا دو لاکھ روپے کا امدادی چیک دیا اور بیوہ کو واپڈا میں ملازمت دلانے کے علاوہ پچیس لاکھ روپے کی مزید امدادی رقم اور تمام فنڈز وغیرہ جلد از جلد دلانے کا اعلان کیا ۔اس موقع پر زونل چئیرمین محمد جاوید اقبال ،اظہر علی ،رضوان منیر ،غلام مرتضی ہنجرا ،اور مقامی لیسکو سب ڈویژنوں کے ایس ڈی اوز شہباز خان اور عبدالرحمان سمیت سینکڑوں لیسکو ملازمین موجود تھے ۔بزرگ راہنما خورشید احمد نے بیوہ اور ان کے ورثاء سے اظہار تعزیت کیا ۔اور پر نم آنکھوں سے تعزیتی بیان میں کہا کہ اپنی جانوں پہ کھیل کر ملک کو بجلی سے روشن کرنے والے واپڈا ملازمین پوری ہمدردی اور تمام مراعات کے مستحق ہیں ۔واپڈا ایسے ملازمین کی کفالت کا ذمہ دار ہے ۔ہماری پوری کوشش ہوتی ہے کہ لیسکو ملازمین کو زیادہ سے زیادہ سہولیات فراہم کر سکیں اور شہیدوں کے ورثاء کو خاص مراعات دی جائیں تاکہ وہ اپنے خاندان کی باوقار طریقے سے کفالت کر سکیں اور معاشرے کے اچھے شہری ثابت ہوں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چار ماہ سے تنخواہیں نا ملنے پر لیڈی ہیلتھ ورکرز تحصیل مریدکے سراپا احتجاج ۔ شیخوپورہ (دانیال منصور سے )تحصیل مریدکے میں محکمہ صحت کی لیڈی ہیلتھہ ورکرز نے چار ماہ سے تنخواہیں نا ملنے پر پریس کلب نارنگ منڈی کے سامنے زبردست احتجاجی مظاہرہ کیا اور کہا کہ کتنے افسوس کی بقات ہے کہ عید کے موقع پر بھی ہم تنخواہوں سے محروم ہیں اور چار ماہ کا طویل عرصہ گزر جانے کے باوجود بھی ہمیں جان بوجھ کر نظر انداز کیا جا رہا ہے ۔ہمارے گھروں کے چولہے ٹھنڈے پڑ چکے ہیں اور ادھار لے لے کر عاجز آچکے ہیں ۔انہوں نے وزیر اعلی پنجاب میاں شہباز شریف اور محکمہ صحت کے اعلی حکام سے دردمندانہ اپیل کرتے ہوئے ہنگامی بنیادوں پر تنخواہیں جاری کرنے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فاروق آباد مین بازار اور اس سے ملحقہ گلیوں سے فوری طور پر تجاوزات ہٹائی جائیں ۔اے سی شیخوپورہ شیخوپورہ (بیورورپورٹ )اسسٹنٹ کمشنر شیخوپورہ شبیر حسین بٹ نے کہا ہے کہ مین بازار فاروق آباد اور اس سے ملحقہ گلیوں سے فوری طور پر تجاوزات کو ہٹایا جائے تاکہ عوام کو سودا سلف کی خریداری میں آنے والی مشکلات دور ہو سکیں ۔ساٹھ فٹ بازار تجاوزات کی وجہ سے سکڑ کر پندرہ سے بیس فٹ تک رہ گیا ہے ۔جس پر متعدد بار عوامی شکایات بھی آچکی ہیں ۔تاجروں کو وارننگ دی گئی ہے کہ تجاوزات کے خاتمہ کے لئے لائحہ عمل مرتب کر لیں وگرنہ ٹی ایم اے عملہ کی مدد سے سخت کارروائی کی جائے گی ۔ان خیالات کا اظہار انہوں نے میڈیا سے گفتگو کرتے ہوئے کیا انہوں نے مزید کہا کہ تجاوزات کی وجہ سے خواتین کے ساتھ بدتمیزی اور جیب تراشی جیسی وارداتیں بھی معمول بن چکی ہیں ۔انہوں نے بتایا کہ بعض تاجروں نے اپنی دوکانوں کے آگے بھاری رقوم لے کر تجاوزات قائم کروا رکھی ہیں اگر ان تاجروں نے اپنا سامان اپنی دوکانوں کے اندر نہ کیا تو پھر سخت ایکشن لیتے ہوئے سامان کو ضبط کر لیا جائے گا۔
گزشتہ کئی سال سے حج کے مناسب اقدامات کئے جا رہے ہیں، شاہ محمد اویس نورانی
سی او مصطفی آباد محمد فاروق کی زیر نگرانی تجاوزات کے خلاف آپریشن
