شیخوپورہ (حامد قاضی سے) الیکشن کمیشن آف پاکستان کی طرف سے ڈسٹرکٹ کونسل ،میونسپل کمیٹیوں اور یونین کونسلوں کی مخصوص نشستوں کے انتخابات کے شیڈول کا اعلان کر دیا گیا ہے ان خیالات کا اظہار ڈی سی او ارقم طارق نے مخصوص نشستوں کے انتخابات کے شیڈول کے حوالے سے ڈی سی اوآفس کمیٹی روم میں منعقدہ اجلاس کی صدرات کرتے ہوئے کیا ۔اس موقع پر اے ڈی سی رائو ریاض اعجاز ،ای ڈی او زراعت مشکور احمد ،ڈی او الیکشن کمیشن سید باسط علی،اے سی سٹی شبیر حسین بٹ،اے سی مریدکے محمد راشد،ڈی او لیبر چوہدری محمد نعیم ،ڈی او پلاننگ فرحان راشد،ڈی ڈی او ایچ آر ایم خرم شہزاد بھٹی کے علاوہ دیگر متعلقہ افسران نے شرکت کی۔انہوں نے کہا کہ مخصوص نشستوں کے کاغذات نامزدگی آج اور کل متعلقہ ریٹرننگ افسروں کے پاس جمع کروائے جا سکتے ہیں جبکہ امیدواروں کے کاغذات نامزدگی کی جانچ پڑتال 17اور 18اکتوبر کو ہو گی اس ضمن میں تمام متوقع امیدواروں کو انتخابات میں حصہ لینے کے لئے ازسرنو کاغذات نامزدگی جمع کروانے ہو ں گے اور سیکورٹی کی فیس بھی دوبارہ جمع کروانی ہو گی جبکہ پہلے شیڈول کے تحت جمع شدہ کاغذات نامزدگی اور سیکورٹی فیسں قابل قبول تصور نہ ہوں گے ۔ انہوں نے مزید کہا کہ ڈسٹرکٹ کونسل کی مخصوص نشستوں کے انتخابات 8نومبر،میونسپل کمیٹیوں کی مخصوص نشستوںکے انتخابات 10نومبر اور یونین کونسل کی مخصوص نشستوںکے انتخابات 12نومبر کو منعقد ہو ں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ (دانیال منصور سے)حکومت پنجاب کی ہدایت پر ضلع شیخوپورہ میں ورلڈ فوڈڈے16اکتوبر کو بھر پور طریقے سے منایا جائے گا۔ورلڈ فوڈ ڈے کے حوالے سے ڈسٹر کٹ زراعت آفس میں سیمنار منعقد کیا جائے گا۔سیمینار کے انعقاد کے لئے ڈی سی او شیخوپورہ ارقم طارق نے 6رکنی کمیٹی تشکیل دے دی جو کہ ورلڈ فوڈ ڈے پر حکومت ہدایت کے مطابق سیمینار سمیت واک اور آگاہی کے اہداف پر عمل درآمد کرئے گی۔ واک کی قیادت ڈی سی او ارقم طارق کریں گے۔سیمینار میں فوڈ سیکٹر میں حکومتی اقدامات پر آگاہی دی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
SKP
شیخوپورہ (بیورو رپورٹ )ٹی ایم اے شیخوپورہ کی بھتہ مافیہ کی آشیر باد سے تجاوزات کی قبضہ مافیہ شرقپور روڈ پر سڑک کی دونوں جانب فٹ پاتھوں پر اپنی مطلق العنان بادشاہی قائم کئے بیٹھی ہیں اور ان سے فٹ پاتھ واگزار کروانے والے مسلسل آنکھیں موندھے خود پر مجرمانہ خاموشی طاری کئے خواب خرگوش کے مز ے لوٹ رہے ہیں ۔پھل فروش ۔قصاب ،ویلڈنگ شاپس ،اور بلڈنگ مٹیریل والے بلا خوف پوری فٹ پاتھ پہ قبضہ جمائے اپنی لگن میں مگن ہیں ان کو کوئی پوچھنے کی جرات نہیں کرتا کیونکہ ماہانہ بھتہ جو لینا ہوتا ہے ۔اس پر طرہ یہ کہ آدھی سڑک رکشائوں نے گھیر رکھی ہوتی ہے پیدل چلنے والے سڑک کے درمیان چلنے پر مجبور ہیں جس کی وجہ سے بارہا لوگ حادثات کا شکار ہو چکے ہیں اہل علاقہ کی ڈی سی شیخوپورہ ارقم طارق ،اے سی شیخوپورہ شبیر حسین بٹ ، اے ڈی سی جی رائو ریاض اعجاز اور ٹی ایم او فدا افتخار میر سے پر زور اپیل ہے کہ شرقپور روڈ چوک سے لیکر جامعہ فاروقیہ پل تک سرک کی دونوں جانب سے فٹ پاتھ اس قبضہ مافیہ کے چنگل سے واگزار کروائیں تا کہ عوام الناس ائے دن کے حادثات سے محفوظ ہو سکے۔
بلدیہ عظمیٰ کراچی کے افسران و ملازمین نذرانہ نہ دینے پر تنخواہوں سے محروم
بلدیہ شرقی گلستان جوہر بلاک 14 میں صاحب الزماں امام بارگاہ کے اطراف صفائی ستھرائی و دیگر انتظامات جاری
