شیخوپورہ (جیوڈیسک)شیخوپورہ کے علاقے شرق پور شریف میں یوٹیلیٹی اسٹور میں اچانک دھماکے سے آگ لگ گئی، دکان کا آہنی شٹر ٹوٹ گیا جبکہ اسٹور انچارج سمیت تین افراد زخمی ہو گئے۔ سرکلر روڈ پر واقع یوٹیلیٹی اسٹور کو افطاری سے پہلے بند کیا جا رہا تھا کہ اچانک دھماکا ہوا۔
اسٹور انچارج جاوید اقبال بری طرح جھلس گئے جبکہ آہنی شٹر لگنے سے خاتون سمیت دو راہگیر زخمی ہو گئے۔ دھماکے سے اسٹور میں آگ لگ گئی جس سے لاکھوں روپے مالیت کا سامان جل کر تباہ ہو گیا۔ فائر بریگیڈ نے موقع پر پہنچ کر آگ پر قابو پا لیا۔ فوری طور پر دھماکے کی نوعیت کا پتہ نہیں چل سکا تاہم پولیس نے تحقیقات شروع کر دی ہیں۔
بلوچستان نیشنل پارٹی کے زیر اہتمام کوئٹہ میں احتجاجی مظاہرہ کیا گیا
نوازشریف مصر میں فوج کشی کی مخالف کریں، منور حسن
