شکارپور (جیوڈیسک) نامعلوم افراد نے گھر کو آگ لگا دی، سترہ سالہ لڑکی جھلس کر جاں بحق اور بھائی زخمی ہو گیا۔
شکار پور میں شاہی باغ کے قریب بدر دین شیخ نامی شخص کے گھر میں نامعلوم افراد نے رات کو گھس کر گھر کو آگ لگا دی جس سے گھر میں موجود 17 سالہ لڑکی ارم شیخ زندہ جل گئی جبکہ لڑکی کا بھائی شدید زخمی ہو گیا جسے نازک حالت میں سکھر ہسپتال منتقل کر دیا گیا ہے۔
لڑکی کے والد بدر دین شیخ کا کہنا ہے کہ ان کی کسی سے کوئی دشمنی نہیں ہے۔ پولیس نے لاش کو پوسٹ مارٹم کے لئے سول ہسپتال شکار پور منتقل کر دیا ہے اور واقعہ کی تحقیقات شروع کر دی ہیں۔
واہگہ: بارڈر پر فائرنگ سے دو اسمگلر ہلاک، منشیات اور اسلحہ برآمد
آصف زرداری کی طبیعت ٹھیک نہیں لیکن ہمیں سیاسی مشورے دیتے رہتے ہیں، قائم علی شاہ
