ایک بوڑھی کا بیٹا دبئی گیا تو جاتے ہوئے اپنی والدہ کو اپنا موبائل دے گیا تاکہ رابطے میں آسانی رہی ۔۔۔ایک دن بیٹے سے بات کرنے کیلئے بوڑھیا نے 200 روپے کا کارڈ لورڈ کیا بیلنس 150کے قریب آیا اس نے پوچھا یہ کیا معاملہ ہے میرے باقی پیسے کدھر گئے؟
دکاندار نے کہا ماں جی!باقی ٹیکس کٹ گیاہے اچھا بوڑھیا نے سرہلاتے ہوئے کہا پھر بھی نگوڑے حکمران کہتے ہیں خزانہ خالی ہے غریب ٹیکس نہیں دیتے روزانہ کروڑوں لوگ موبائل فون میں ایزی لوڈ کرواتے ہیں پتر یہ پیسے جاتے کدھر ہیں؟ دکاندار مسکراکر چپ ہورہا وہ کیا بتاتا یہاں تو اس سوال کا جواب بڑے بڑے دینے سے قاصرہیں پاکستان شاید دنیا کا واحد ملک ہے جہاں موبائل صارفین سے سب سے زیادہ ٹیکس لیا جاتا ہے سستے پیکج کے نام پر سیلولر کمپنیاں، ٹیکسز کے نام پر حکومت اور سروس چارچزکی آڑ میں ایزی لوڈ والے صارفین کا خون نچوڑرہے ہیں۔
کہا جارہاہے کہ ٹوٹل کا سٹ آف موبائل اوونر شپ(TCMO) میں 147% اورموبائل فون پر عائدسیلز ٹیکس میں30%اضافہ دیکھنے میں آیاہے TCMO ایک گلوبل بینچ مارک ہے جس کے ذریعے دنیا کے کسی بھی ملک میں موبائل فون پر محصولات سے صارفین کے لئے موبائل فون سروس کے حصول اور استفادہ میں آسانی اور مشکلات کا اندازہ لگایا جا سکتاہے۔
عام لوگوںکا خیال ہے کہ سیلولر کمپنیاں صارفین کو ٹیکنیکل طریقے سے لوٹ رہی ہیں بات کرتے کرتے اچانک آوازآنا بند ہو جاتی ہے یارابطہ منطقع ہوجاتاہے صارف مجبوراً دوبارہ کال ملاتاہے یہ بات بھی سیلولر کمپنیوںکے فائدے میں جاتی ہے۔۔۔روزانہ لاکھوں صارفین کو UNKNOWNنمبروں سے مس کالیں آتی ہیں بیشتر لوگ ان نمبروںپر فون کرنے پر مجبورہو جاتے ہیں کہ نہ جانے کون یاد کررہاہے بعض اوقات لوگوںکی تلخ کلامی بھی ہو جاتی ہے کہ آپ ہمارے نمبر پر کیوں مس کال MISS CALLکیونکرکررہے ہیں ۔۔یہ بھی ان موبائل فون کمپنیوںکی شرارت ہوتی ہے صارفین کو یہ بھی شکایت ہے۔
سیلولر کمپنیوں کے منٹ کا دووانیہ 60 سیکنڈ کی بجائے 50-45 سیکنڈ کاہوتاہے یعنی مختلف حیلوں ،بہانوں اور تراکیب سے صارفین کی جیبیں کاٹنا معمول کی بات بن کررہ گئی ہے اور کوئی پوچھنے والا نہیں۔۔۔ کئی سیلولر کمپنیاں صارفین کی ڈیمانڈکے بغیرہی مختلف پیکیج لوڈکردیتی ہیں جس پرروزانہ کٹوتی ہوتی رہتی ہے اور ان خودساختہ پیکیج ختم کروانے کیلئے بھی لوگوںکو پیسے ادا کرنا پڑتے ہیں ایک طرف حکومتی ٹیکسزکی بھر مارہے تو دوسری طرف سیلولر کمپنیوںنے انھی ڈال رکھی ہے جس کی وجہ سے اس انڈسٹری کی ترقی متاثرہورہی ہے 2012-13-کے مقابلے میں ایڈوانس انکم ٹیکس میں 50 %ریکارڈ اضافہ ہوا ہے۔
Cellular Industry
سیلولر انڈسٹری پر ٹیکسزکی بھرمار اور امتیازی سلوک نے پاکستان کو ٹیکسوںکی بلند شرح والے ممالک میں سرِ فہرست لاکھڑا کیاہے جو ایک پسماندہ ملک کے غریب شہریوںکیلئے انتہائی ظلم والی بات ہے حکمرانوںنے سیلولر انڈسٹری کو انتہائی منافع دینے والی صنعت سمجھ رکھاہے دیگرشعبوںکی طرح” کھایا پیا کچھ نہیں گلاس توڑا بارہ آنے”کے مصداق صرف ٹیکس وصول کرنا ہی مقصد جان لیا ہے۔
اس سوچ نے ٹیکسٹ جنریشن3Gٹیکنالوجی کے پھیلائومیں بھی مشکلات پیش آرہی ہیںموبائل اپریٹرکی گلوبل ایسوسی ایشن(GSMA) کی تحقیق کے مطابق ترقی پذیر ممالک میں موبائل فون کی سہولت کے مقابلے میں حکومتی انٹرسٹ زیادہ ہونے کی وجہ سے نیٹ ورک کی بہتری کیلئے سرمایہ کاری پر بھی منفی اثرات مرتب ہورہے ہیں شاید اسی بناء پر3G اور4Gٹیکنالوجی کی نیلامی کے موقعہ پر کچھ سیلولر کمپنیوںنے سرے سے حصہ ہی نہیں لیا جس سے اس ٹیکنالوجی کے حوالے سے آمدن کا حکومتی ہدف بھی پورا نہیں ہو سکا ٹیلی کام سیکٹرکی انوسٹمنٹ پر ریٹرن کم ہونا پاکستان میں غیر ملکی سرمایہ کاری کیلئے بھی سوالیہ نشان ہے۔
یہ بات بھی روز ِ روشن کی طرح عیاں ہے کہ 3Gٹیکنالوجی میں بھاری سرمایہ کاری کے باوجود صارفین کی قوت ِ خرید نہ ہونے سے بھی مسائل جنم لے رہے ہیں ابھی توشاید اس کا اندازہ نہیں لگایا جا رہا لیکن ایک نہ ایک دن سب محسوس کریں گے کہ یہ بات 3 G ٹیکنالوجی کے فروغ میں ایک رکاوٹ بن گئی ہے اس کیلئے سوچنا اور بہترین حکمت ِ عملی تیارکرنا ماہرین ، حکومت اورسیلولر کمپنیوں کا کام ہے اس میں کوئی شک نہیں کہ 3Gٹیکنالوجی کے ذریعے موبائل فون ڈیٹاٹرانسفرمیں حیرت انگیز اضافہ متوقع ہے۔
موبائل ڈیٹاکا حجم دگناہونے کی صورت میں پاکستان کی GDP میں0.5% اضافہ یقینی ہے اس کیلئے ٹیکسوںکو مناسب سطح پر لانا ہی مجموعی طورپر سودمند ہے عام طورپر دیکھنے میں آیاہے عوام کا جس طرف رحجان ہوتاہے حکومت ٹیکسزکا منہ اسی طرف کردیتی ہے اس میں کوئی دوسری رائے نہیں کہ پاکستان میںسیلولر انڈسٹری نے بہت ترقی کی ہے ملک میں موبائل فون کا استعمال برابر بڑھتا چلا جارہاہے شہروںمیںتو ہرگھرمیں متعدد افراد کے پاس موبائل فون موجودہیں دور درازکے پسماندہ علاقوںتک اس کی ز بردست رسائی ہے ٹیلی کام انڈسٹری کی مزید ترقی اور اسے دور ِ جدید کے تقاضوںسے ہم آہنگ کرنے کیلئے مزید اقدامات کی اشدضرورت ہے شنیدہے۔
اس وقت پاکستان شایددنیاکا واحد ملک ہے جہاں موبائل صارفین سے سب سے زیادہ ٹیکس لیا جاتاہے سستے پیکج کے نام پر سیلولر کمپنیاں، ٹیکسز کے نام پر حکومت اور سروس چارچزکی آڑ میں ایزی لوڈ والے صارفین کا خون نچوڑرہے ہیںحکومت کو ٹیکسزکی شرح میں کمی کرنی چاہیے تاکہ موبائل فون بھی سستے ہو سکیں زیادہ صارف کم منافع بھی ایک کاروباری اصول ہے حکومت اور سیلولر کمپنیوں کو اس اندازمیں بھی سوچنا چاہیے۔
ہم معذرت خواہ ہیں!
امن و امان کی صورت ِ حال اور حکومت
