نئی دہلی (جیوڈیسک) بھارت نے دنیا کی سب سے پستہ قد گائے رکھنے کا ریکارڈ اپنے نام کرلیا۔ چھ سالہ گائے بھارتی ریاست کیرالہ کے کسان کی ملکیت ہے۔ ذرائع ابلاغ کے مطابق بچھڑا نہیں ، پوری گائے۔
عمر 6 سال لیکن قد صرف 61.5 سینٹی میٹر، شہرت نے سرحد پار کی تو بین الاقوامی ماہرین بھی معائنے کیلئے کیرالہ پہنچے ، ریکارڈ بک میں جگہ دینے سے قبل ہر زاویے سے تصاویر لی گئیں اور اچھی طرح مشاہدہ ہوا۔
گنیز بک نمائندے مطمئن ہوئے تو مانکیام نامی گائے کو دنیا کی سب سے پستہ قد گائے قرار دیدیا۔ مانکیام سے قبل یہ ریکارڈ امریکا کی 69 سیٹی میٹر طویل گائے کے پاس تھا۔
