کراچی (اسٹاف رپورٹر)حلقہ علویہ القادریہ کے زیر اہتمام شیخ المشائخ پیر طریقت رہبر شریعت حضرت سید ظہیر الحسن شاہ جیلانی چاند پوری کے دسویں سالانہ عرس مبارک کے دوسرے روز عظیم الشان روح پرور بزم نعت کا انعقاد کیا گیا عرس کے دوسرے روز کی تقریب کی صدارت بھی حسب روائت حلقہ علویہ القادریہ کے سربراہ سجادہ نشین خورشید شاہ جیلانی نے فرمائی ،عرس کے دوسرے روز بھی ہزاروں کی تعداد میں مریدین اور عقیدت مندوں نے مزار پر حاضری دی
گل پاشی اور چادر پوشی کی محفل نعت کی پرنور محفل میں الحاج محمد عمر سعیدی ،اور پیر اعجاز علی نقوی نے خصوصی شرکت کی محفل نعت میں ملک کے ممتاز ثناء خواں حضرات الحاج فصیح الدین سہروردی ،سید محمد ریحان قادری،حافظ احمد رضا قادری،ذوالفقار علی الحاج زبیر مکی ،فاروق شاہ ،فیصل نقشبندی اور لاہور سے تشریف لائے ہوئے نعت خوان خاور نقشبندی محمد زرین خان سروری اور دیگر نے بارگاہ رسالت ۖ میں گلہائے عقیدت کے نذرانے پیش کئے دوران محفل فضا درود و سلام سے معطر رہی محفل کا اختتام اجتماعی دعا سے ہو جس میں ملک کی ترقی و خوشحالی کے لئے دعاء کی گئی۔
