سیالکوٹ (جیوڈیسک) ورکنگ باؤنڈری پر چارواہ سیکٹر میں بھارتی فوجی کی بلااشتعال فائرنگ سے ایک پاکستانی شہری شہید ہوگیا۔
چناب رینجرز ذرائع کے مطابق بھارتی فوج نے جنگ بندی کی خلاف ورزی کرتے ہوئے ورکنگ باؤنڈری پر سیالکوٹ کے چارواہ سیکٹر میں ٹھٹھی ندروال،ٹھٹھی خورد اور ٹھٹھی گوجراں نامی شہری آبادیوں پر بلااشتعال فائرنگ کی، جس کے نتیجے میں ٹھٹھی خورد میں ایک شہری شہید ہوگیا۔ رینجرز کے جوان بھی بھارتی اشتعال انگیزی کا منہ توڑ جواب دے رہے ہیں۔
واضح رہے کہ گزشتہ ایک ماہ کے دوران ورکنگ باؤنڈری اور لائن آف کنٹرول پر بھارتی فوج کی اشتعال انگیزی کے نتیجے میں کئی شہری شہید ہوچکے ہیں۔
شجاع خانزادہ کی قبر پر فاتحہ خوانی، فوجی دستے نے سلامی پیش کی
رشید گوڈیل کی حالت خطرے سے باہر ہے، وزیر صحت سندھ
