سلک بینک نے ایمان اسلامک بینکنگ کے نام سے شریعت کے عین مطابق اسلامی بینکاری کا آغاز کر دیا ہے اس سلسلے میں مقامی ہوٹل میں ایک پر وقار افتتاحی تقریب منعقد ہوئی جس کی صدارت سلک بینک کے ایڈوائزر برائے چیئرمین شوکت ترین نے کی۔ اس موقع پرانہوں نے کہا کہ اسلامک بینکنگ ڈویژن کیلئے یہ بڑا سنہری موقع ہے کہ وہ اسلامی بینکاری کی صنعت میں ایک بہترین کی حیثیت سے تیز پیش رفت کرے اس سے بینک کے حجم میں بھی اضافہ ہوگا اور ایمان اسلامک بینکنگ کو برانڈکی حیثیت سے پزیرائی حاصل ہوگی۔
ایمان اسلامک بینک کے ڈائریکٹر ایم اے منان نے اس موقع پر گفتگو کرتے ہوئے بتایا کہ بینک نے8 شہروں میں اپنی 10 شاخوں کے ساتھ ایمان اسلامک بینکاری کا آغاز کر دیا ہے ان شہروں میں کراچی، لاہور، فیصل آباد، راولپنڈی، ایبٹ آباد، مردان اور کوئٹہ شامل ہیں اور بینک کی شاخوں کی تعداد میں توسیع کے ساتھ ساتھ 78 شاخیں آن لائن سہولتوں سے مزین کردی گئی ہیں۔
آئی ایم ایف سے پہلی قسط ساڑھے تین ارب ڈالر طلب کی ہے، اسحاق ڈار
لاہور میں بجلی چوری پکڑنے کیلئے پہلا کمپیوٹر ائزڈ پاور ڈسٹری بیوشن سینٹر قائم
