سندھ کابینہ کے پانچ وزرا کو بائیس دن کے بعد بلا آخر محکموں کے قلمدان سونپ دیئے گئے ہیں جن کا باضابطہ نوٹی فکیشن کیبنٹ ڈویژن نے جاری کر دیا ہے۔
رکن سندھ اسمبلی نثار احمد کھوڑو کو سینئر وزیر کیساتھ تعلیم اور خواندگی کا قلمدان سونپا گیا ہے جبکہ میر ہزار خان بجرانی کو ورکس اینڈ سروسز، سردار علی نواز خان مہر کو زراعت، منظور حسین وسان کو جیل خانہ جات اور معدنیات و معدنی ترقی، مخدوم جمیل الزمان کو ریونیو، ریلیف اور بحالیات کے قلمدان سونپ گئے ہیں۔
اس سے قبل شرجیل انعام میمن کو اطلاعات اور آرکائیو، ڈاکٹر سکندر میندور کو قانون اور پارلیمانی امور انسانی حقوق کے قلمدان دیئے گئے تھے جبکہ مراد علی شاہ وزیر اعلی سندھ کے مشیر برائے خزانہ کے قلمدان دیا گیا تھا۔ اس طرح سندھ کی آٹھ رکنی کابینہ کے تمام ارکان کے پاس محکموں کے قلمدان آگئے ہیں۔ ذرائع کا کہنا ہے کہ کابینہ میں توسیع آئند چند روز میں متوقع ہے۔
ججز نظربندی کیس : مدعی کی عدالت سے سیکیورٹی فراہم کرنے کی استدعا
سپریم کورٹ: جی ایس ٹی کے نفاذ ازخود نوٹس کا فیصلہ محفوظ
