کراچی (جیوڈیسک) سندھ ہائی کورٹ نے صوبائی حکومت کو موٹر سائیکل کی ڈبل سواری پر پابندی اور موبائل فون سروس کی غیر ضروری بندش سے روک دیا۔
سندھ ہائی کورٹ نے متفرق درخواستوں پر اپنا فیصلہ سناتے ہوئے کہا ہے کہ کراچی میں پبلک ٹرانسپورٹ کی کمی کی وجہ سے عوام کی پہلی ترجیح موٹر سائیکل کی سواری ہے۔
موٹر سائیکل کی ڈبل سواری پر پابندی کے باعث ہنگامی حالات میں عوام کی مشکلات میں کئی گنا اضافہ ہو جاتا ہے جبکہ موبائل فون سروس کی معطلی سے بھی عوام کو شدید ذہنی کوفت کا سامنا کرنا پڑتا ہے۔
عدالت عالیہ نے اپنے حکم میں کہا کہ صوبائی حکومت موٹر سائیکل کی ڈبل سواری پر بلاجواز پابندی اور موبائل فون سروس معطل نہیں کر سکتی۔ اگر متعلقہ حکام کو اس قسم کے اقدام ہی کرنا ہوں تو اس کی ٹھوس وجوہات ہونی چاہیئں۔
واضح رہے کہ صوبائی حکومت امن و امان کی مخدوش صورت حال یا مذہبی مواقعوں کو جواز بنا کر موٹر سائیکل کی ڈبل سواری پر پابندی لگا دیتی ہے اس کے علاوہ اس موقع پر موبائل فون سروس کی معطلی بھی معمول بن گیا ہے۔
نریندر مودی نے اروند کیجریوال کو پاکستانی ایجنٹ قرار دے دیا
متحدہ کو حکومت میں شامل ہونے کیلئے آئین مخالف خیالات بدلنا ہونگے: بلاول
