کراچی (جیوڈیسک) سندھ اور پنجاب کے مختلف شہروں میں شدید دھند سے ٹریفک کی روانی بری طرح متاثر ہوئی ہے اور صبح کے اوقات میں جانے والوں کو مشکلات کا سامنا ہے۔
پنجاب میں ملتان، ڈیرہ غازی خان اور گرد و نواح میں صبح سویرے سے ہی دھند چھائی رہی جس سے ٹریفک کی روانی بھی متاثر ہوئی ہے۔ ٹریفک پولیس نے لوگوں کو گاڑیوں کی ہیڈ لائٹ جلا ئے رکھنے کے احکامات جاری کیے ہیں تاکہ کوئی نا خوشگوار واقعہ پیش نہ آئے۔
سندھ میں بھی دادو اور نواب شاہ سمیت دیگر علاقو ں میں دھند چھائی ہوئی ہے جس سے مین شاہراہوں میں گاڑیوں کی رفتار کم ہے۔
