کراچی (جیوڈیسک) گلوکارہ عینی خالد نے ایک بار پھر شو بز میں واپسی کا فیصلہ کرتے ہوئے اپنے فینز کیلئے نیا ویڈیو گیت تیار کر لیا، جس کی ویڈیو ریکارڈنگ ہدایتکار سہیل جاوید نے کی ہے۔ عینی خالد نے کہا کہ ہر فنکار کی زندگی میں اچھے برے دن آتے رہتے ہیں برے دنوں کو بھول کر ایک بار پھر اپنے مداحوں کی خواہش پر گائیگی کی دنیا میں لوٹی ہوں میں نے اس بار عوامی طرز کا گیت تیار کیا ہے۔
انکا کہنا تھا کہ شوبز میں واپسی پر بہت جذباتی ہورہی ہوں، عینی کے اندر کی فنکارہ نوجوانوں کی نمائندگی کرنے کی خواہش مند ہے، جس کیلئے رات دن مصروف ہوں۔ عینی نے بتایا کہ اس گیت کو آئندہ ہفتے ریلیز کر دیا جائے گا، موجودہ دور میں میوزک انڈسٹری میں مقابلے کا رحجان بڑھ گیا ہے۔
عینی نے کہا کہ انکے ویڈیو البم کی تیاریاں جاری ہیں۔ اس کا ایک ویڈیو گیت ٹھرکی سالا آئندہ دنوں میں پیش کر دیا جائے گا۔ ان کاکہنا تھا کہ بیرون ممالک شو کرنے کی آفرز مل رہی ہیں جن کیلئے شیڈول مرتب کر رہی ہوں۔
سیف علی خان بالی ووڈ کے سب سے خوش لباس اداکار قرار
الطاف حسین سے اظہار یکجہتی کیلئے ایم کیوایم کے دھرنوں کا چوتھا روز، آج یوم دعا منایا جا رہا ہے
