ممبئی (جیوڈیسک) انڈین میڈیا کے مطابق گلوکار سونو نگم نے ٹویٹر کو خیر باد کہنے کا فیصلہ کر لیا ہے۔ انہوں نے اس فیصلے کی تفصیلات اپنے ٹویٹر اکاؤنٹ پر دی۔
اپنے ٹویٹس میں سونو نگم نے کہا کہ وہ پریس اور کچھ لوگوں کے اس رویے سے پریشان ہیں کہ ان کے ٹویٹس کا سکرین شاٹ لے کر تنازع پیدا کیا جاتا ہے۔ انہوں نے بتایا کہ وہ اس سے دکھی ہیں۔
انہوں نے کہا کہ وہ اب ٹویٹر اكاونٹ بند کر رہے ہیں اور اس کے لئے وہ اپنے مداحوں سے معافی بھی مانگتے ہیں جن سے وہ دور ہو جائیں گے۔ خیال رہے گزشتہ دنوں سونو نگم کے اذان والے ٹویٹ پر خاصا تنازع ہوا تھا اور اس کی مخالفت میں سونو نگم نے اپنا سر بھی منڈوا لیا تھا۔
اب گلوکار ابھیجیت کا اكاؤنٹ کے بند کئے جانے کے بعد سونو نگم کا خیال ہے کہ ایسے بہت سے ٹویٹر اكاؤنٹ ہیں جنہیں بند کیا جانا چاہیے لیکن ایسا نہیں ہو رہا ہے۔
مزاحیہ اداکار رنگیلا کو مداحوں سے بچھڑے 12 برس بیت گئے
پراسرار قتل کی تحقیقات، فلم ونڈ ریور کا نیا ٹریلر ریلیز
