ویڈیوگیت کی عکسبندی کے لئے گلوکارشاہدعلی خان دبئی جائینگے۔ لاہور(خصوصی رپورٹ)معروف گلوکار شاہدعلی خان فورٹ عباسی ویڈیوگیت کی عکسبندی کے لئے دبئی جائینگے۔معروف گلوکاردبئی میں بھارتی ماڈل سے اپنی ویڈیوالبم میں ماڈلنگ کروانے کے لئے ملاقات کرینگے۔ایک ملاقات کے دوران شاہدعلی خان فورٹ عباسی نے بتایا کہ نئے ویڈیوالبم میں ایک گیت کیلئے انہوں نے بھارتی ماڈل سے ماڈلنگ کروانے کے لئے بات کی ہے۔جس کے لئے وہ دبئی جارہے ہیں۔شاہدعلی خان فورٹ عباسی نے کہا کہ میرے البم کی عکسبندی دبئی کے ساتھ ساتھ پاکستان بھرکے خوبصورت مقامات پر بھی کی جائیگی۔جس میں پاکستان سمیت بھارتی نامور ماڈلز بھی ماڈلنگ کرینگی۔شاہدعلی خان فورٹ عباسی نے بتایا کہ وہ اپنی ویڈیوالبم کے لئے لوکیشنزدیکھنے کے علاوہ بھارتی ماڈل سے ویڈیوگیت پر ماڈلنگ کے لئے معاہدہ بھی کرینگے۔شاہدعلی خان فورٹ عباسی نے بتایا کہ جلدہی نئے ویڈیوالبم کی عکسبندی شروع کردی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گلوکار ارشاد احمد انصاری غزلوں پر مبنی ویڈیو البم ریکارڈ کروائیں گے۔ لاہور(خصوصی رپورٹ)مشہور زمانہ قوالی ،،اللہ ہودیاںکلیاں،،گا کر شہرت حاصل کرنے والے گلوکار ارشاد احمدانصاری اب معروف شاعر ایم اے تبسم کی لکھی ہوئی غزلوں پر مبنی ویڈیوالبم ریکارڈ کروائینگے۔جس کے لئے انہوں نے ان غزلوں کی مقامی میوزک اکیڈمی میں ریہرسل کرنا شروع کردی ہے۔ایک ملاقات کے دوران گلوکار ارشاد احمدانصاری نے بتایا کہ ان کے قوالیوں پر مبنی دو البم مارکیٹ میں ریلیزہوچکے ہیں۔جس کی وجہ سے ان کے چاہنے والوں نے انہیں بہت پذیرائی بخشی ارشاد احمدانصاری نے بتایا کہ وہ بہت جلد نیا البم ریکارڈکروا رہے ہیں ۔جس میں شاعر ایم اے تبسم کی لکھی ہوئی غزلیں ریکارڈکروائیں گے۔بعد ازاں اس البم کو کراچی کی کمپنی ریلیز کریگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بزرگ شاعر خادم وسائی پوری آنکھوں کے آپریشن کے سلسلے میں ہسپتال داخل لاہور(خصوصی رپورٹ)مشہورزمانہ گیتوں”میرے بدنصیب دل نوں ،نہ کدرے قرارملیا”مینوں گود دے وچ ساں لوٹاندی،نی اک واری بول مائے”لکھ کر بین الاقوامی شہرت حاصل کرنے والے پنجابی کے معروف شاعر خادم وسائی پوری آنکھوں کی بینائی کم ہونے کی وجہ سے گزشتہ دنوں لاہور جنرل ہسپتال میں داخل ہیں،ان کی آنکھوں کا آپریشن اگلے چند دنوں میں کیا جانا متوقع ہے،گزشتہ روز معروف شاعر،کالم نگار ایم اے تبسم نے خادم وسائی پوری کی ہسپتال میں خیریت دریافت کی ،اس موقع پر ان کے ساتھ شعراء کی بڑی تعدادموجود تھی جن میں ایم جاویداقبال، ساحرقریشی، ارشاد احمد انصاری، امتیازعلی شاکرودیگر کے نام شامل ہیں،شعراء کرام نے قارئین سے بزرگ شاعرخادم وسائی پوری کی جلد صحت یابی کے لئے دعائے صحت کی اپیل کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شاعر منظورماہی کی معرفت پر لکھی گئی کتاب”کلا کوئی وریام نئیں ہندا”جلدشائع ہوگی۔ لاہور(خصوصی رپورٹ)مشہورزمانہ گیت”دس تینوں کی کرئیے جرمانہ”،اور”جندرے مار کے ٹرگئی ایں”سمیت سینکڑوں لازوال گیت لکھنے والے معروف شاعر میاں محمدمنظورماہی ان دنوں معرفت پر کتاب لکھ رہے ہیں،جس میں حمد،نعت،قوالی،پر سیرحاصل گفتگوکی گئی ہے،یہ کتاب جلد ہی شائع کی جائیگی،یاد رہے منظورماہی کا شمار پاکستان کے ان چند پنجابی کے معروف شعراء کرام میں ہوتا ہے جنہوں نے اپنی شاعری کے بل بوتے پر پاکستان فلم انڈسٹری میں اپنا نام پیدا کیا،ان کے لکھے ہوئے سینکڑوں ہٹ گیت ملک کے نامور گلوکاروں اکرم راہی،عطاء اللہ خان عیسیٰ خیلوی،شوکت علی راجہ،یاسین ماہی،شفقت ممتاز المعروف پپومان،بابرخیالی سرگودھوی،شاہدعلی خان فورٹ عباسی،نصیبولال،نوراں لال،حمیرا ارشد،سمیت دیگر نے ریکارڈکروائے ہیں،منظور ماہی پچھلے کچھ عرصہ سے نعتیں لکھنے اور پڑھنے میں مشغول ہیں،جس کی وجہ سے وہ ان دنوں معرفت کے متعلق کتاب لکھنے میں مصروف ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ معروف شاعر ایم اے تبسم شاعری پر مبنی مجموعہ کلام ”یادکون رکھتا ہے”لکھیںگے لاہور(خصوصی رپورٹ)معروف شاعر ،کالم نگار ایم اے تبسم شاعری پر مبنی مجموعہ کلام ”یادکون رکھتا ہے”لکھیں گے،اس مجموعہ کلام میں نعت،نظم،غزل اور گیت شامل کئے جائیں گے،ایک ملاقات میں شاعر ،کالم نگار ایم اے تبسم نے بتایا کہ اپنے لکھے گئے کالموں پر کتاب ”کب تک”بھی زیرتکمیل ہے،بہت جلد ان دونوں کتابوں کو ”آپ سا” کے زیراہتمام شائع کیا جائیگا،یاد رہے ایم اے تبسم معروف صحافی ،شاعر ،کالم نگار ہیں ،جوکہ پاکستان کے بڑے خبررساں ادارے کے لاہور میں سابق بیوروچیف ہیں،اس کے ساتھ ساتھ ایم اے تبسم کالمسٹ کونسل آف پاکستان(سی سی پی)کے مرکزی صدر بھی ہیں، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گلوکارطارق خوشحال نوشہروی کے نئے آڈیو کیسٹ کی ریکارڈنگ۔ لاہور(خصوصی رپورٹ)معروف فوک گلوکارطارق خوشحال نوشہروی کے نئے آڈیو کیسٹ کی ریکارڈنگ مقامی اسٹوڈیو میں کی گئی۔طارق خوشحال نوشہروی آج کل اپنے نئے آڈیو کیسٹ کی ریکارڈنگ میں مصروف ہیں۔گلوکارطارق خوشحال نوشہروی کے نئے آڈیو کیسٹ کی شاعری ملک کے نامور شعراء کرام خادم وسائی پوری ،ساحر قریشی اور ایم اے تبسم نے کی ہے۔اس کیسٹ کی ریکارڈنگ ان دنوں ایک مقامی ریکارڈنگ اسٹوڈیو میں کی جارہی ہے۔گلوکارطارق خوشحال نوشہرو ی کے مطابق ان کا یہ آڈیو کیسٹ کراچی کی معروف کمپنی ملک بھر میں ایک ساتھ ریلیز کریگی۔۔
