ممبئی (جیوڈیسک) بولی ووڈ اداکارہ سونم کپور کا کہنا ہے کہ شادی کا دور دور تک کوئی ارادہ نہیں ہے فی الحال اکیلی ہوں اور اسی میں بہت خوش ہوں۔
بھارتی میڈیا رپورٹس کے مطابق سونم کپور کا کہنا تھا کہ شادی کرنے کا دور تک کوئی ارادہ نہیں ہے۔ فی الحال میں اکیلی ہوں اور اسی میں بہت خوش ہوں، مجھے لگتا ہے کہ میں بہت شش و پنج میں مبتلا ہوں اور ابھی تک یہ فیصلہ ہی نہیں کر پائی ہوں کہ کس قسم کا لڑکا میری زندگی کا ہمسفر ہونا چاہیئے۔
سونم کپور کا اپنی نئی آنے والی فلم ’ڈولی کی ڈولی‘ کے حوالے سے کہنا تھا کہ مزاحیہ اداکاری سب سے مشکل کام ہے اور اگر مجھے مزاحیہ ادکار کہا جائے تو خوشی محسوس ہو گی۔ واضح رہ کہ سونم کپور کی نئی آنے والی فلم ’ڈولی کی ڈولی‘ 23 جنوری کو سینما گھروں کی زینت بنے گی۔
