اسلام آباد (جیوڈیسک) سینیٹر اعتزاز احسن نے کہا ہے کہ شہباز شریف پنجاب پولیس پر مقتدر ہیں مگر انہوں نے پنجاب پولیس کو تشدد سے نہیں روکا۔ شوباز شریف نے واقعے کے بعد مگر مچھ کے آنسو بہائےان کی روہانسی شکل نے کسی کو متاثر نہیں کیا۔
خواتین اور بچیوں پر تشدد قابل قبول نہیں ہے۔ اسلام آباد میں سینیٹر اعتزاز احسن نے کہا ہے کہ لگتا ہے کہ چھوٹا بھائی بڑے بھائی کی حکومت کے خلاف سازشیں کر رہا ہے۔
وفاقی حکومت نے سندھ میں گورنر ایم کیو ایم کا رکھا ہے اور ہمیں سبق دیتے ہیں کہ ایم کیو ایم بہت بری ہے۔ وفاقی وزیر ریلوے سعد رفیق میں اتنی جرات ہے تو کہیں یا گورنر رہے گا یا میں رہوں گا۔کل سعد رفیق نے ایم کیو ایم کے خلاف بیان دیا۔
وہ پہلے ایم کیو ایم کے گورنر کو تو فارغ کر دیں۔ اعتزاز احسن کا کہنا تھا کہ حکومت پہلے رائیونڈ محل کی سٹرکوں سے رکاوٹیں ہٹائے۔ ماڈل ٹائون لاہور میں وزیر اعظم اور وزیر اعلیٰ کے بنگلوں کی سیکیورٹی کی وجہ سے سٹرکیں بند ہیں پہلے وہ کھولیں۔ پہلے اپنے گھر کو صاف کر پھر کسی کی طرف انگلی اٹھائیں۔
قومی اسمبلی: 160 کھرب 74 ارب سے زائد کے لازمی اخراجات کی منظوری۔
ارکان سندھ اسمبلی کی جانب سے سانحہ لاہور کی مذمت
